• សូមគោរពជូនពរដ៏ស្មោះអស់ពីដួងចិត្តជូនចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា
  •               កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រពវិស័យកសិកម្ម បំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា

សារពីឯកឧត្តមរដ្ឋមន្ត្រី


ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម


កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា

ឯកឧត្តម អឿង ចន្ថា អនុរដ្ឋលេខាធិការ អញ្ជើញចុះផ្សព្វផ្សាយ និងពង្រឹងការយល់ដឹងអំពីបរិមាណទឹក ការគ្រប់គ្រង និងការប្រើប្រាស់ទឹកក្នុងអាងស្ទឹងដល់ប្រជាកសិករ ក្នុងខេត្តតាកែវ


ផុសថ្ងៃ: 10-01-2025 | អ្នកអាន: 69 |

Share


នៅថ្ងៃសុក្រ ១២កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែមករា ឆ្នាំ២០២៥ នេះ ឯកឧត្តមសាស្រ្តាចារ្យបណ្ឌិត អឿង ចន្ថា អនុរដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តម អ៊ុក វុទ្ធី អនុរដ្ឋលេខាធិការ លោកអគ្គនាយករងនៃអគ្គនាយកដ្ឋានកិច្ចការបច្ចេកទេស លោកប្រធាននាយកដ្ឋានសហគមន៍កសិករប្រើប្រាស់ទឹក បានអញ្ជើញដឹកនាំមន្ត្រីបច្ចេកទេសក្រសួង សហការជាមួយរដ្ឋបាលស្រុកបាទី មន្ទីរធនធានទឹក និងឧតុនិយមខេត្តតាកែវ ចុះផ្សព្វផ្សាយ និងពង្រឹងការយល់ដឹងអំពីបរិមាណទឹក ការគ្រប់គ្រងនិងប្រើប្រាស់ទឹកក្នុងអាងស្ទឹងដល់ប្រជាកសិករ ក្នុងស្រុកបាទី ខេត្តតាកែវ។
 
 
ឯកឧត្តមអនុរដ្ឋលេខាធិការបានបញ្ជាក់ថា ដើម្បីធានានូវការផ្គត់ផ្គង់ទឹកជូនប្រជាកសិករ និងកុំឱ្យមានការខាតបង់ដោយសារការខ្វះខាតទឹកបញ្ចូលស្រែ និងការប្រើប្រាស់ប្រចាំថ្ងៃ នាយកដ្ឋានសហគមន៍កសិករប្រើប្រាស់ទឹក និងមន្ទីរធនធានទឹក និងឧតុនិយមខេត្តតាកែវ ត្រូវជំរុញការបង្កើតសហគមន៍កសិករប្រើប្រាស់ទឹកតាមរយៈ ទី១)ការបង្កើត និង ពង្រឹងការយល់ដឹងដល់សហគមន៍កសិករប្រើប្រាស់ទឹកឱ្យបានជាប់លាប់ និងមានប្រសិទ្ធភាពខ្ពស់ ទី២)ជួយសម្របសម្រួលជាមួយអាជ្ញាធរមូលដ្ឋានដើម្បីគាំទ្រសហគមន៍កសិករប្រើប្រាស់ទឹកដែលត្រូវបង្កើត ទី៣)ជួយផ្តល់បច្ចេកទេសថែទាំប្រឡាយ ជួសជុលទ្វារទឹក និងការគ្រប់គ្រងទឹកដោយមានកាលវិភាគបែងចែកទឹកច្បាស់លាស់ទៅតាមតម្រូវការ និងទី៤)ជួយសហគមន៍កសិករប្រើប្រាស់ទឹកក្នុងការសម្របសម្រួលដោះស្រាយជម្លោះដែលកើតមានក្នុងសហគមន៍។
 
ក្នុងឱកាសនោះផងដែរ ឯកឧត្តមអនុរដ្ឋលេខាធិការបានណែនាំឱ្យមន្ទីរធនធានទឹក និងឧតុនិយមខេត្តតាកែវ ធ្វើការជាមួយអាជ្ញាធរមូលដ្ឋានឱ្យបានជិតស្និទ្ធ ដើម្បីពន្យល់ដល់ប្រជាកសិករ ឱ្យដឹងពីបរិមាណទឹកដែលមាននៅក្នុងអាង ផ្ទៃដីដែលអាចស្រោចស្រពបាន និងចុះទៅមើលអាងទឹកផ្ទាល់ជាមួយប្រជាកសិករ។
 
លើសពីនេះទៀត ឯកឧត្តមអនុរដ្ឋលេខាធិការក៏បានជំរុញឱ្យមន្ទីរចុះផ្សព្វផ្សាយ និងជួយការងារដល់សហគមន៍កសិករប្រើប្រាស់ទឹកឱ្យបានជាប់លាប់ជាប្រចាំ ថែមទាំងត្រូវបង្កើនការយកចិត្តទុកដាក់បន្តទៀតក្នុងការគ្រប់គ្រង និងរក្សាទឹកទុកក្នុងអាង សម្រាប់ស្រោចស្រពលើផ្ទៃដីស្រូវប្រាំង និងការប្រើប្រាស់ប្រចាំថ្ងៃរបស់បងប្អូនប្រជាពលរដ្ឋឱ្យបានច្បាស់លាស់ និងមានប្រសិទ្ធភាពខ្ពស់ ដើម្បីជួយលើកស្ទួយកម្រិតជីវភាពរស់នៅកាន់តែមានភាពប្រសើរឡើងផងដែរ៕
 

គំរោងដែលបានបញ្ចប់

ព័ត៌មាន និងព្រឹត្តិការណ៍

>> លោក ថាំង វីយុទ្ធដា ប្រធាននាយកដ្ឋានវិស្វកម្ម អញ្ជើញចុះពិនិត្យវឌ្ឍនភាពគម្រោងស្តារប្រឡាយមេប្រផុង ក្នុងភូមិសាស្រ្តខេត្តកំពត


>> ឯកឧត្តមរដ្ឋមន្ត្រី ថោ ជេដ្ឋា អញ្ជើញជាកិត្តិយសក្នុងពិធីបិទសន្និបាតបូកសរុបលទ្ធផលការងារ៥ឆ្នាំ (២០២០-២០២៤) នៃដំណើរឆ្ពោះទៅបរិវត្តកម្មឌីជីថល និងទិសដៅការងារឆ្នាំ២០២៥ របស់ក្រសួងប្រៃសណីយ៍ និងទូរគមនាគមន៍


>> ឯកឧត្តម ឈា ប៊ុនរិទ្ធ រដ្ឋលេខាធិការប្រចាំការ អញ្ជើញដឹកនាំកិច្ចប្រជុំពិភាក្សាលម្អិតអំពីនីតិវិធី និងដំណោះស្រាយ ដើម្បីជំរុញការចុះបញ្ជីដីអាងស្តុកទឹក និងអាងទឹកនៃប្រព័ន្ធធារាសាស្ត្រ ក្នុងក្របខ័ណ្ឌទូទាំងប្រទេស


>> ឯកឧត្តម ចាន់ យុត្ថា រដ្ឋលេខាធិការ អញ្ជើញដឹកនាំកិច្ចប្រជុំជាមួយតំណាងក្រុមបេសកកម្មត្រួតពិនិត្យនៃទីភ្នាក់បារាំងសម្រាប់អភិវឌ្ឍន៍ (AFD) ដើម្បីពិនិត្យវឌ្ឍនភាពនៃការអនុវត្តកម្មវិធី WAT4CAM ជំហានទី១


>> ឯកឧត្តម ចាន់ ស៊ីណាត រដ្ឋលេខាធិការ អញ្ជើញដឹកនាំគណៈប្រតិភូក្រុមបេសកកម្មធនាគារអភិវឌ្ឍន៍អាស៊ី(ADB) និងធនាគារវិនិយោគហេដ្ឋារចនាសម្ព័ន្ធអាស៊ី (AIIB) ចុះពិនិត្យជាក់ស្តែងទីតាំងអនុវត្តគម្រោង ក្នុងខេត្តពោធិ៍សាត់ និងខេត្តបាត់ដំបង

ទំនប់អាងទឹក៣០កញ្ញា ស្ថិតក្នុងស្រុកកំពង់ស្វាយ ខេត្តកំពង់ធំ

000 000 000

     000 000 000


info@mowram.gov.kh


អាគារលេខ47, ផ្លូវព្រះនរោត្តម, រាជធានីភ្នំពេញ


f ហ្វេសប៊ុកផេករបស់យើង