ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
លោក ថាំង វីយុទ្ធដា ប្រធាននាយកដ្ឋានវិស្វកម្ម អញ្ជើញចុះពិនិត្យវឌ្ឍនភាពគម្រោងស្តារប្រឡាយមេប្រផុង ក្នុងភូមិសាស្រ្តខេត្តកំពត
ផុសថ្ងៃ: 06-02-2025 | អ្នកអាន: 256 |
Shareនៅថ្ងៃសុក្រ ១០កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៧ ខែកុម្ភៈ ឆ្នាំ២០២៥ លោក ថាំង វីយុទ្ធដា ប្រធាននាយកដ្ឋានវិស្វកម្ម ក្នុងនាមតំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំមន្ត្រីបច្ចេកទេសក្រសួង ចុះពិនិត្យវឌ្ឍនភាពការងារគម្រោងស្តារប្រឡាយមេប្រផុង ស្ថិតនៅឃុំវត្តអង្គខាងត្បូង និងឃុំសំរោងក្រោម ស្រុកបន្ទាយមាស ខេត្តកំពត។
សូមជម្រាបថា គម្រោងស្តារប្រឡាយមេប្រផុងបានចាប់ផ្តើមអនុវត្តកាលពីខែធ្នូ ឆ្នាំ២០២៤ គិតមកដល់ពេលនេះ វឌ្ឍនភាពការងារសម្រេចបានប្រមាណ ៧០% ហើយគ្រោងនឹងបញ្ចប់នៅចុងខែកុម្ភៈ ឆ្នាំ២០២៥។ ការងារសំខាន់ៗរបស់គម្រោងមានដូចជា៖ ១)ស្តារប្រឡាយមេប្រផុង ប្រវែង ៣៥០០ម៉ែត្រ និង ២)សាងសង់សំណង់សិល្បការ្យចំនួន ១២កន្លែង។
លោកប្រធាននាយកដ្ឋានវិស្វកម្មបានបញ្ជាក់ឱ្យដឹងថា គម្រោងនេះនឹងជួយបង្កើនសមត្ថភាពស្រោចស្រពបន្ថែមដល់ផ្ទៃដីបង្កបង្កើនផលរដូវវស្សាចំនួន ៦២០ហិកតា រដូវប្រាំងចំនួន ៣១០ហិកតា និងដំណាំរួមផ្សំ ២០ហិកតា ជូនដល់បងប្អូនប្រជាពលរដ្ឋប្រមាណ ១២៥០គ្រួសារ ក្នុងភូមិចំនួន១១ នៃឃុំវត្តអង្គខាងត្បូង និងឃុំសំរោងក្រោម ស្រុកបន្ទាយមាស ខេត្តកំពត៕
