ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
លោក តាំង សុផាត អគ្គនាយករង អញ្ជើញបើកវគ្គបណ្តុះបណ្តាលស្តីពីកិច្ចដំណើរការ និងការថែទាំប្រព័ន្ធស្រោចស្រពពីទឹកក្រោមដីដោយថាមពលពន្លឺព្រះអាទិត្យ(សូឡា) នៅខេត្តកំពង់ចាម
ផុសថ្ងៃ: 11-11-2025 | អ្នកអាន: 63 |
Shareថ្ងៃអង្គារ ៦រោច ខែកត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១១ ខែវិច្ឆិកា ឆ្នាំ២០២៥ លោក តាំង សុផាត អគ្គនាយករងនៃអគ្គនាយកដ្ឋានកិច្ចការបច្ចេកទេស និងជានាយកគម្រោងពិពិធកម្មកសិកម្មកម្ពុជា ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញជាអធិបតីបើកវគ្គបណ្តុះបណ្តាលស្តីពីកិច្ចដំណើរការ និងការថែទាំប្រព័ន្ធស្រោចស្រពពីទឹកក្រោមដីដោយថាមពលពន្លឺព្រះអាទិត្យ(សូឡា) ដែលទទួលហិរញ្ញប្បទានពីធនាគារពិភពលោក (WB) នៅការិយាល័យសហគមន៍កសិកម្មអភិវឌ្ឍន៍ស្រុកយើង ខេត្តកំពង់ចាម។
លោកអគ្គនាយករង បានបញ្ជាក់ឱ្យដឹងថា វគ្គបណ្ដុះបណ្តាលនេះគឺក្នុងគោលបំណង ដើម្បីចែករំលែកចំណេះដឹងដែលមានសារៈប្រយោជន៍ជូនដល់សហគមន៍កសិកម្មអភិវឌ្ឍន៍ស្រុកយើង និងអ្នកពាក់ព័ន្ធនៃគម្រោងពិពិធកម្មកសិកម្មកម្ពុជា លើកិច្ចដំណើរការ និងការថែទាំហេដ្ឋារចនាសម្ព័ន្ធគាំទ្រដល់ការងារស្រោចស្រព។ លើសពីនេះ ការចូលរួមពីអ្នកទទួលផលរបស់សហគមន៍ធ្វើឱ្យកិច្ចដំណើរការប្រព័ន្ធស្រោចស្រពកាន់តែមានប្រសិទ្ធភាព ហើយធានាបាននូវនិរន្តរភាពនៃប្រព័ន្ធធារាសាស្រ្តបន្ទាប់ពីបញ្ចប់គម្រោង៕
