ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ស៊ិន វិសិទ្ធ អនុរដ្ឋលេខាធិការក្រសួងធនធានទឹក និងឧតុនិយម ចុះអន្តរាគមន៍សង្គ្រោះស្រូវប្រាំងជូនប្រជាកសិករ ក្នុងភូមិសាស្ត្រខេត្តតាកែវ
ផុសថ្ងៃ: 10-02-2024 | អ្នកអាន: 83 |
Shareឯកឧត្តម ស៊ិន វិសិទ្ធ អនុរដ្ឋលេខាធិការក្រសួងធនធានទឹក និងឧតុនិយម ចុះអន្តរាគមន៍សង្គ្រោះស្រូវប្រាំងជូនប្រជាកសិករ ក្នុងភូមិសាស្ត្រខេត្តតាកែវ
================
ខេត្តតាកែវ, ឯកឧត្តម ស៊ិន វិសិទ្ធ អនុរដ្ឋលេខាធិការក្រសួងធនធានទឹក និងឧតុនិយម បានដឹកនាំមន្ត្រីបច្ចេកទេសក្រសួង និងមន្ទីរចុះអន្តរាគមន៍សង្គ្រោះស្រូវប្រាំងរបស់បងប្អូនប្រជាកសិករចំនួន ១២០០ ហិកតា នៅក្នុងស្រុកសំរោង និងស្រុកព្រៃកប្បាស។
ក្នុងឱកាសនោះ ឯកឧត្តមអនុរដ្ឋលេខាធិការ អមដោយលោក ផាង វី អនុប្រធាននាយកដ្ឋានធារាសាស្ត្រកសិកម្ម និងលោកប្រធានមន្ទីរធនធានទឹក និងឧតុនិយមខេត្តតាកែវ ព្រមទាំងមានការចូលរួមពីសហការអាជ្ញាធរដែនដី និងមន្ត្រីជំនាញពាក់ព័ន្ធបានចុះពិនិត្យជាក់ស្តែងស្ថានភាពទឹកនៅទំនប់បត់រកាដែលបងប្អូនស្នើសុំបើកទឹក ដើម្បីយកទៅស្រោចស្រពស្រូវប្រាំងរបស់ពួកគាត់។
ឯកឧត្តមអនុរដ្ឋលេខាធិការបានឱ្យដឹងថា ស្ថានភាពជាក់ស្តែងទឹកក្នុងទំនប់បត់រកានៅសល់ប្រមាណ ៥០ម៉ឺនម៉ែត្រគូប ដែលអាចបម្រើការស្រោចស្រពស្រូវប្រាំងបងប្អូនកសិករចំនួន ១២០០ហិកតាបានត្រឹមតែ២ ទៅ៣ថ្ងៃ ប៉ុណ្ណោះអស់ហើយ បន្ទាប់ពីនេះស្រូវក៏ខូច ហើយបងប្អូនប្រជាកសិករក៏នឹងជួបបញ្ហាខ្វះទឹកសម្រាប់ប្រើប្រាស់ក្នុងជីវភាពប្រចាំថ្ងៃ។
ជាជម្រើស ឯកឧត្តមអនុរដ្ឋលេខាធិការបញ្ជាក់ថាក្រុមការងារបានចុះពិនិត្យមើលប្រភពទឹកទី២នៅចំណុចស្ពានទំនប់ដាច់កោះភ្នៅ ស្ថិតក្នុងភូមិធ្លក់យល់ ឃុំពន្លៃ ស្រុកអង្គរបុរី ដែលជាលទ្ធផលក្រុមការងារបានសម្រេចកាយផ្លូវវាងក្រោមស្ពានចេញ (ដោយស្ពានបានសាងសង់រួចហើយ) និងកាយប្រឡាយ៨៧ ចម្ងាយ ២គីឡូម៉ែត្រ ដោយប្រើអេស្កាវ៉ាទ័របំពាក់លើសាឡង់ដើម្បីសម្រួលផ្លូវទឹកពីស្ទឹងអង្គរបុរី៕
