ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ស៊ិន វិសិទ្ធ ដឹកនាំក្រុមការងារបច្ចេកទេសក្រសួងចុះអន្តរាគមន៍សង្គ្រោះស្រូវប្រាំងជូនប្រជាកសិករក្នុងភូមិសាស្ត្រខេត្តតាកែវ
ផុសថ្ងៃ: 12-02-2024 | អ្នកអាន: 277 |
Shareឯកឧត្តម ស៊ិន វិសិទ្ធ ដឹកនាំក្រុមការងារបច្ចេកទេសក្រសួងចុះអន្តរាគមន៍សង្គ្រោះស្រូវប្រាំងជូនប្រជាកសិករក្នុងភូមិសាស្ត្រខេត្តតាកែវ
=================
ខេត្តតាកែវ, ឯកឧត្តម ស៊ិន វិសិទ្ធ អនុរដ្ឋលេខាធិការក្រសួងធនធានទឹក និងឧតុនិយមបានដឹកនាំក្រុមការងារបច្ចេកទេសនៃនាយកដ្ឋានធារាសាស្ត្រកសិកម្មសហការជាមួយអាជ្ញាធរភូមិឃុំចុះអន្តរាគមន៍បូមទឹកសង្គ្រោះស្រូវប្រាំងជូនបងប្អូនប្រជាកសិករដែលប្រឈមខ្វះទឹកចំនួនប្រមាណ ៤០៥០ហិកតាក្នុងឃុំចំនួន ៩នៃស្រុកបាទី ខេត្តតាកែវ។
ឯកឧត្តមអនុរដ្ឋលេខាធិការបានឱ្យដឹងថា បន្ទាប់ពីឯកឧត្តមរដ្ឋមន្ត្រី ថោ ជេដ្ឋា អន្តរាគមន៍បញ្ជាឱ្យបើកទឹកពីទំនប់តាសាលក្នុងភូមិសាស្ត្រខេត្តកំពង់ស្ពឺទំលាក់មកជួយបន្ថែម គិតត្រឹមថ្ងៃទី១១ ខែកុម្ភៈ ឆ្នាំ២០២៤នេះ កិច្ចអន្តរាគមន៍បូមទឹកសង្គ្រោះស្រូវប្រាំងក្នុងស្រុកបាទីសម្រេចបានប្រមាណ ៩០% ដោយបានប្រើប្រាស់ម៉ាស៊ីនបូមទឹកចល័ត ៦៥សេះ ចំនួន ៥គ្រឿង និងស្ថានីយបូមទឹកចំនួន២។
ក្នុងថ្ងៃនេះដែរ ឯកឧត្តមអនុរដ្ឋលេខាធិការ អមដោយលោក ផាង វី អនុប្រធាននាយកដ្ឋានធារាសាស្ត្រកសិកម្ម និងក្រុមការងារ សហការជាមួយអាជ្ញាធរឃុំកំពែង និងឃុំទ្រាបានចុះពិនិត្យវឌ្ឍនភាពនៃការងារកាយប្រឡាយ ៨៧ ប្រវែង ២គីឡូម៉ែត្រ ដើម្បីនាំទឹកពីស្ទឹងអង្គរបុរី ជួយសង្រ្គោះស្រូវប្រាំងប្រជាកសិករដែលប្រឈមខ្វះទឹកនៅឃុំកំពែង ស្រុកព្រៃកប្បាស និងឃុំទ្រា ឃុំជើងគួន ស្រុកសំរោង ខេត្តតាកែវ។
ឯកឧត្តមអនុរដ្ឋលេខាធិការបានឱ្យដឹងថា វឌ្ឍនភាពនៃការកាយប្រឡាយនាំទឹកក្នុងរយៈពេលពីរថ្ងៃនេះសម្រេចបានប្រមាណ ៥០០ម៉ែត្រ ដោយបាននាំទឹកសង្គ្រោះស្រូវប្រាំងប្រជាកសិករដែលប្រឈមខ្វះទឹកក្នុងឃុំកំពែង ស្រុកព្រៃកប្បាសបានប្រមាណ ៣០០ហិកតា និងឃុំទ្រា ក្នុងស្រុកសំរោងបានប្រមាណ ៣០០ហិកតា។ ឯកឧត្តមបញ្ជាក់ថា មន្ទីរធនធានទឹក និងឧតុនិយមខេត្តតាកែវនឹងដាក់គ្រឿងចក្រ ២គ្រឿងបន្ថែមទៀត ដើម្បីជួយកាយប្រឡាយនាំទឹកបន្តទៅកាន់ឃុំទ្រា និងឃុំជើងគួន ដើម្បីឱ្យបងប្អូនកសិករបូមបញ្ចូលស្រែប្រាំងរបស់ពួកគាត់៕
