ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ពេជ្រ វាសនា ដឹកនាំគណៈប្រតិភូសវនកម្មជប៉ុន ចុះពិនិត្យវាយតម្លៃលើការប្រើប្រាស់និងថែទាំប្រព័ន្ធធារាសាស្ត្រលំហាច ក្នុងខេត្តកំពង់ឆ្នាំង
ផុសថ្ងៃ: 13-06-2024 | អ្នកអាន: 152 |
Shareឯកឧត្តម ពេជ្រ វាសនា ដឹកនាំគណៈប្រតិភូសវនកម្មជប៉ុន ចុះពិនិត្យវាយតម្លៃលើការប្រើប្រាស់និងថែទាំប្រព័ន្ធធារាសាស្ត្រលំហាច ក្នុងខេត្តកំពង់ឆ្នាំង
==============
នៅថ្ងៃព្រហស្បត៍ ៧កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែមិថុនា ឆ្នាំ២០២៤ នៅសាលប្រជុំសាលាខេត្តកំពង់ឆ្នាំង ឯកឧត្តម ពេជ្រ វាសនា អនុរដ្ឋលេខាធិការក្រសួងធនធានទឹកនិងឧតុនិយម និងជានាយកគម្រោងកែលម្អនិងស្តារឡើងវិញប្រព័ន្ធធារាសាស្ត្រខាងលិចបឹងទន្លេសាប និងសហការី បានជួបពិភាក្សាការងារជាមួយគណៈប្រតិភូក្រុមសវនកម្មជប៉ុន និងបានចុះពិនិត្យនិងវាយតម្លៃលើការប្រើប្រាស់និងថែទាំប្រព័ន្ធធារាសាស្ត្រលំហាច ស្ថិតក្នុងស្រុកបរិបូណ៌ ខេត្តកំពង់ឆ្នាំង ក្រោយពីបញ្ចប់ការសាងសង់នៅខែធ្នូ ឆ្នាំ២០២០ កន្លងមក។
សូមជម្រាបថា គណៈប្រតិភូជប៉ុន រួមមាន លោក KOBATA Tomohiro ប្រធានក្រុមសវនកម្មជប៉ុនមកពីប្រទេសជប៉ុន និងសហការី លោក KOBATAKE Kazuma តំណាងក្រសួងការបរទេសជប៉ុន និងសហការី លោក SUZUKI Masahiro មន្ត្រីជាន់ខ្ពស់របស់ទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រចាំទីក្រុងតូក្យូ លោកស្រី FUJIMOTO Shoko លេខាទី១ ស្ថានទូតជប៉ុនប្រចាំនៅកម្ពុជា និងសហការី ព្រមទាំងលោកស្រី MIURA Yoshiko អនុប្រធាន JICA ប្រចាំកម្ពុជា និងសហការី។
ក្នុងឱកាសនោះ ក្រុមសវនកម្មជប៉ុន និងប្រតិភូអមដំណើរក៏បានអញ្ជើញចុះពិនិត្យដល់ទីតាំងជាក់ស្តែងនៃប្រព័ន្ធធារាសាស្ត្រលំហាច និងបានវាយតម្លៃខ្ពស់ចំពោះការប្រើប្រាស់ និងការថែទាំប្រព័ន្ធធារាសាស្ត្រលំហាចបានល្អ។ ជាមួយគ្នានេះក្រុមសវនកម្មជប៉ុនបានសំណូមពរដល់ក្រសួងធនធានទឹក និងឧតុនិយម និងមន្ទីរធនធានទឹក និងឧតុនិយមខេត្តកំពង់ឆ្នាំងបន្តគ្រប់គ្រង និងថែទាំប្រព័ន្ធរាសាស្ត្រនេះឱ្យមាននិរន្តរភាពទៅថ្ងៃអនាគត៕
