ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
កម្រងរូបភាពទី២៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញចុះពិនិត្យវឌ្ឍនភាពអនុគម្រោងសំណង់ស្ថានីយបូមទឹក និងប្រព័ន្ធប្រឡាយមេជើងឯក ក្នុងភូមិសាស្ត្ររាជធានីភ្នំពេញ
ផុសថ្ងៃ: 14-06-2024 | អ្នកអាន: 143 |
Shareកម្រងរូបភាពទី២៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញចុះពិនិត្យវឌ្ឍនភាពអនុគម្រោងសំណង់ស្ថានីយបូមទឹក និងប្រព័ន្ធប្រឡាយមេជើងឯក ក្នុងភូមិសាស្ត្ររាជធានីភ្នំពេញ
===============
អនុគម្រោងប្រព័ន្ធប្រឡាយមេជើងឯក ក្នុងភូមិសាស្ត្ររាជធានីភ្នំពេញ ជាផ្នែកមួយនៃគម្រោងប្រព័ន្ធដោះទឹក និងពង្វាងទឹកចេញពីភូមិសាស្ត្ររាជធានីភ្នំពេញ និងតំបន់រណប មានសក្តានុពលពង្វាងទឹកចាប់ពីសាក់សំពៅ ជើងឯក ធ្លាក់ទៅព្រែកហូរ ខេត្តកណ្តាល។ គិតមកដល់ពេលនេះវឌ្ឍនភាពការងារសម្រេចបានប្រមាណ ៧៦,៧៧%។
ការងារសំខាន់ៗ របស់អនុគម្រោងមានដូចជា៖ ១)កែលម្អប្រឡាយមេជើងឯកចំនួន ៣ខ្សែ មានមុខកាត់ទទឹងប្រវែង ៥០ម៉ែត្ររួមទាំងខ្នងសងខាង និង ២)ជួសជុលនិងសាងសង់សំណង់សិល្បការ្យ សរុបចំនួន ៥៨កន្លែង ក្នុងនោះមានសាងសង់ស្ថានីយបូមទឹកចំនួន ៣កន្លែង។
ស្ថានីយបូមទឹកសាក់សំពៅស្ថិតនៅភូមិកំរ៉ែង សង្កាត់សាក់សំពៅ ខណ្ឌដង្កោ រាជធានីភ្នំពេញអគារមានកម្ពស់ ៨ម៉ែត្រ មានទទឹងខាង ២៧ម៉ែត្រ និងបណ្តោយទាំងថ្មការពារជើងទេរមុខក្រោយ ១៥០ម៉ែត្រ មានក្បាលបូម ៦គ្រឿង កម្ពស់ក្បាលបូម ៩ម៉ែត្រ មានសមត្ថភាពអាចបូមទឹកបាន ៣០ម៉ែត្រគូបក្នុង១វិនាទី៕
