តបតាមបទបញ្ជារបស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ក្នុងការរកវិធីដោះស្រាយដើម្បីបូមទឹកកម្ពស់ ១៦ម៉ែត្រ បញ្ជូនចូលស្រែប្រាំងរបស់បងប្អូនប្រជាកសិករ នៅថ្ងៃសៅរ៍ ៤កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១ ខែកុម្ភៈ ឆ្នាំ២០២៥នេះ លោក ផាង វី ប្រធាននាយកដ្ឋានធារាសាស្ត្រកសិកម្មបានអញ្ជើញដឹកនាំក្រុមការងារបច្ចេកទេសក្រសួង សហការជាមួយមន្ទីរធនធានទឹក និងឧតុនិយមខេត្តត្បូងឃ្មុំ អាជ្ញាធរស្រុកក្រូចឆ្មារ និងលោកមេឃុំប៉ឺស២ ចុះអន្តរាគមន៍បូមទឹក ដើម្បីបញ្ជូនទៅស្រោចស្រពផ្ទៃដីស្រែប្រាំងរបស់ប្រជាកសិករប្រមាណ ១៥០ហិកតា ដែលជួបការខ្វះខាតទឹក ក្នុងឃុំប៉ឺស២ ស្រុកក្រូចឆ្មារ ខេត្តត្បូងឃ្មុំ។