ឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម ចុះពិនិត្យការងារគ្រប់គ្រងវិស័យធនធានទឹក បញ្ជាទឹក និងប្រើប្រាស់ទឹក ក្នុងខេត្តប៉ៃលិន

សូមគោរពជូនពរដ៏ស្មោះអស់ពីដួងចិត្តជូនចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រពវិស័យកសិកម្ម បំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា

សារពីឯកឧត្តមរដ្ឋមន្ត្រី

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម

កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា

ឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម ចុះពិនិត្យការងារគ្រប់គ្រងវិស័យធនធានទឹក បញ្ជាទឹក និងប្រើប្រាស់ទឹក ក្នុងខេត្តប៉ៃលិន

ផុសថ្ងៃ: 25-03-2024 | អ្នកអាន: 57 |

ឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម ចុះពិនិត្យការងារគ្រប់គ្រងវិស័យធនធានទឹក បញ្ជាទឹក និងប្រើប្រាស់ទឹក ក្នុងខេត្តប៉ៃលិន

=============

ខេត្តប៉ៃលិន, នៅថ្ងៃចន្ទ ១រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៥ ខែមីនា ឆ្នាំ២០២៤ នេះ ឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម បានអញ្ជើញចុះបំពេញបេសកកម្មនៅខេត្តប៉ៃលិនដើម្បីត្រួតពិនិត្យការគ្រប់គ្រងលើវិស័យធនធានទឹក បញ្ជាទឹក និងប្រើប្រាស់ទឹកក្នុងតំបន់ព្រំដែនជាប់នឹងប្រទេសថៃ។

ក្នុងឱកាសចុះបំពេញបេសកកម្មការងារនេះ ឯកឧត្តមរដ្ឋលេខាធិការបានដឹកនាំកិច្ចប្រជុំត្រួតពិនិត្យមើលលើវិធានការនិងយុទ្ធសាស្រ្ត ដើម្បីធានាសន្តិសុខទឹកក្នុងភូមិសាស្ត្រខេត្តប៉ៃលិនសម្រាប់ទប់ទល់នឹងការប្រែប្រួលអាកាសធាតុខ្លាំង និងការឡើងកម្តៅឥតឈប់នៃភពផែនដីដែលបណ្តាលឱ្យខេត្តនៅភូមិភាគពាយ័ព្យជាប់ព្រំដែនថៃមួយនេះមានការខ្វះខាតទឹកសម្រាប់បម្រើឱ្យគ្រប់វិស័យ។

សូមជម្រាបថា កិច្ចប្រជុំខាងលើនេះមានការចូលរួមពីលោកជំទាវអភិបាល លោកអភិបាលរងនៃគណៈអភិបាលខេត្តប៉ៃលិន ប្រធាន អនុប្រធានមន្ទីរធនធានទឹក និងឧតុនិយមខេត្តប៉ៃលិន មន្ទីរពាក់ព័ន្ធជុំវិញសាលាខេត្តប៉ៃលិន អភិបាល អភិបាលរងនៃគណៈអភិបាលស្រុកពាក់ព័ន្ធ និងលោកមេឃុំពាក់ព័ន្ធទាំងអស់។

ជាមួយគ្នានេះ ឯកឧត្តមរដ្ឋលេខាធិការក៏បានដឹកនាំចុះអនុវត្តការសិក្សាគម្រោងលម្អិតជាក់ស្តែងលើអនុគម្រោងអាងស្ទឹងស្លេវ ដើម្បីជាការគ្រប់គ្រងទឹក និងបញ្ជាទឹកឈានទៅធានាបាននូវសុវត្ថិភាពទឹក ផ្គត់ផ្គង់ទឹកប្រើប្រាស់បានគ្រប់គ្រាន់ក្នុងខេត្តប៉ៃលិនទាំងមូល និងសម្រាប់ធ្វើអន្តរាគមន៍ទៅតំបន់ក្រញូង តំបន់សេកសក តំបន់កង្ហត តំបន់មោងឬស្សី តំបន់គាស់ក្រឡ តំបន់ធិបតី តំបន់កំពីងពួយតាមតំបន់តាហែន តំបន់បវេល តំបន់ព្រៃខ្ពស់ និងតំបន់មង្គលបូរី។

ឯកឧត្តមរដ្ឋលេខាធិការបានឱ្យដឹងថា ដោយមានការគាំទ្រយ៉ាងពេញទំហឹងពីសំណាក់ក្រសួងសេដ្ឋកិច្ច និងហិរញ្ញវត្ថុ ក្រសួងធនធានទឹក និងឧតុនិយម បាននិងកំពុងអនុវត្តការងារកសាងអាងទឹកស្ទឹងស្លេវក្នុងគោលបំណងធានាឱ្យបាននូវសុវត្ថិភាពទឹកទាំងក្នុងរដូវប្រាំង និងរដូវវស្សាជូនខេត្តប៉ៃលិន និងខេត្តបាត់ដំបង។

ទន្ទឹមនឹងនេះ ឯកឧត្តមរដ្ឋលេខាធិការបានបញ្ជាក់ថា ការសាងសង់នូវសំណង់ប្រវត្តិសាស្រ្តទំនប់អាងស្ទឹងស្លេវនេះគឺជួយដោះស្រាយបញ្ហាជន់លិចនៅរដូវវស្សាលើតំបន់ស្ទឹងសង្កែ ស្ទឹងបវេល ស្ទឹងមង្គលបូរី និងដោះស្រាយបញ្ហាគ្រោះរាំងស្ងួតក្នុងរដូវប្រាំងដែលតែងកើតមានឡើងនៅតំបន់ស្ទឹងទាំង ៣នេះ៕