ឯកឧត្តម អឿង ចន្ថា អនុរដ្ឋលេខាធិការក្រសួងធនធានទឹក និងឧតុនិយម ចូលរួមសិក្ខាសាលាបច្ចេកទេសថ្នាក់តំបន់ស្តីពីកម្មវិធីកង្វះខាតទឹកអាស៊ីប៉ាស៊ីហ្វិកនៅប្រទេសថៃ
ប្រទេសថៃ, ឯកឧត្តម អឿង ចន្ថា អនុរដ្ឋលេខាធិការក្រសួងធនធានទឹក និងឧតុនិយម អមដំណើរដោយលោក ជឹម កុសល អគ្គនាយករងនៃអគ្គនាយកដ្ឋានកិច្ចការបច្ចេកទេស និងលោក ថាច់ សុវណ្ណា ប្រធាននាយកដ្ឋានគ្រប់គ្រង និងអភិរក្សធនធានទឹក បានចូលរួមសិក្ខាសាលាបច្ចេកទេសថ្នាក់តំបន់ស្តីពីកម្មវិធីកង្វះខាតទឹកអាស៊ីប៉ាស៊ីហ្វិក នៅទីក្រុងបាងកក ប្រទេសថៃ ពីថ្ងៃទី២៥-២៦ ខែមីនា ឆ្នាំ២០២៤។
ឯកឧត្តមអនុរដ្ឋលេខាធិការបានឱ្យដឹងថា សិក្ខាសាលានេះបានរៀបចំឡើងដោយអង្គការកសិកម្ម និងអាហារ សហការជាមួយរដ្ឋាភិបាលអូស្រ្ដាលី ដែលមានអ្នកចូលរួមមកពីប្រទេសកម្ពុជា ឡាវ វៀតណាម ថៃ និងឥណ្ឌូណេស៊ី។
ជាមួយគ្នានេះ ឯកឧត្តមអនុរដ្ឋលេខាធិការបញ្ជាក់ថា គោលបំណងនៃសិក្ខាសាលាគឺ (១)ជំរុញការយល់ដឹងអំពីស្ថានភាពបច្ចុប្បន្ននៃការខ្វះខាតទឹកនៅតាមបណ្ដាប្រទេសក្នុងតំបន់ (២) ចែករំលែកបទពិសោធន៍ការអនុវត្តល្អកន្លងមក និងរៀនសូត្រពីកំហុសឆ្គងផ្សេងៗ (៣) សហការគ្នាបង្កើតយុទ្ធសាស្ត្រ ផែនការ និងកម្មវិធី ដើម្បីដោះស្រាយបញ្ហាកង្វះខាតទឹក (៤) ពិភាក្សាអំពីដំណើរការសមាហរណកម្មនៃការគ្រប់គ្រងទឹក ការវាយតម្លៃការងារគណនេយ្យទឹក (Water Accounting) និងរៀបចំផែនទីតម្រង់ទិស និង ៥) គាំទ្រការយល់ដឹង និងការអភិវឌ្ឍផែនការសកម្មភាពការងារខ្វះខាតទឹក៕