ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម តន់ វ៉ាន់ថារ៉ា រដ្ឋលេខាធិការ អញ្ជើញចុះពិនិត្យសកម្មភាពជីកស្តារដីព្រែក ស្ថិតក្នុងភូមិសាស្រ្តខេត្តព្រៃវែង
ផុសថ្ងៃ: 14-01-2026 | អ្នកអាន: 80 |
Shareនាថ្ងៃពុធ ១១រោច ខែបុស្ស ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៤ ខែមករា ឆ្នាំ២០២៦ ឯកឧត្តម តន់ វ៉ាន់ថារ៉ា រដ្ឋលេខាធិការ និងជាប្រធានក្រុមសម្របសម្រួលការងារធនធានទឹក និងឧតុនិយមខេត្តព្រៃវែង ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹកនិងឧតុនិយម អមដំណើរដោយ លោក ឃុន សាខឿន ប្រធានមន្ទីរធនធានទឹក និងឧតុនិយមខេត្តព្រៃវែង អាជ្ញាធរមូលដ្ឋាន និងសហការី បានចុះពិនិត្យជាក់ស្តែងសកម្មកភាពជីកដីព្រែក ដែលមានសភាពគោករាក់ ដើម្បីពង្រីកលទ្ធភាពស្តុកទឹក បម្រើដល់ការស្រោចស្រព។
សូមជម្រាបថា ការងារស្តារកាយយកអាចម៌ដីព្រែក គឺមានទទឹង១៥ម៉ែត្រ ដីចំណីមាត់ព្រែក២០ម៉ែត្រ និងមានបណ្តោយ ប្រវែង៥គីឡូម៉ែត្រ ស្ថិតនៅក្នុងឃុំព្រៃឈ រ ស្រុកកំពង់ត្របែក ខេត្តព្រៃវែង ហើយអាចម៍ដីកាយបានត្រូវយកទៅចាក់បំពេញនៅកន្លែងអភិវឌ្ឍន៍តំបន់សេដ្ឋកិច្ចពិសេសលើផ្ទៃដី ៤៣ហិកតា។
ក្នុងឱកាសនោះ ឯកឧត្ងមរដ្ឋលេខាធិការ និងក្រុមការងារ ក៏បានចុះពិនិត្យការងារបង្កបង្កើនផលស្រូវប្រាំងដែលគិតមកដល់បច្ចុប្បន្ននេះអនុវត្តបាន ៦១,១%ស្មើនឹង ៩២៩២៧ហិកតា នៃផែនការ ១៥០០០០ហិកតា ក្នុងឆ្នាំ២០២៦។
ឯកឧត្តមរដ្ឋលេខាធិការ បានផ្តាំផ្ញើដល់មន្ទីរធនធានទឹក និងឧតុនិយម អាជ្ញាធរមូលដ្ឋាន និងតំណាងសហគមន៍កសិករប្រើប្រាស់ទឹក ត្រូវបន្តផ្សព្វផ្សាយដល់ប្រជាកសិករ គួរកុំបង្កបង្កើនផលស្រូវរដូវប្រាំងលើសផែនការ ជៀសវាងមានការខាតបង់៕
