ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
មន្ត្រីជំនាញជលសាស្ត្រក្រសួងធនធានទឹក និងឧតុនិយម ចុះអនុវត្តការងារថែទាំស្ថានីយជលសាស្ត្រ ក្នុងភូមិសាស្ត្រខេត្តកំពង់ស្ពឺ
ផុសថ្ងៃ: 11-10-2024 | អ្នកអាន: 315 |
Shareមន្ត្រីជំនាញជលសាស្ត្រក្រសួងធនធានទឹក និងឧតុនិយម ចុះអនុវត្តការងារថែទាំស្ថានីយជលសាស្ត្រ ក្នុងភូមិសាស្ត្រខេត្តកំពង់ស្ពឺ
==========
នៅថ្ងៃសុក្រ ៩កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែតុលា ឆ្នាំ២០២៤នេះ ក្រុមមន្ត្រីជំនាញរបស់នាយកដ្ឋានជលសាស្ត្រ និងការងារទន្លេ នៃក្រសួងធនធានទឹក និងឧតុនិយម បានចុះអនុវត្តការងារថែទាំស្ថានីយជលសាស្រ្ដស្វ័យប្រវត្តិ ក្នុងភូមិសាស្ត្រក្រុងច្បារមន ស្រុកថ្ពង ស្រុកឱរ៉ាល់ និងស្រុកសំរោងទង ខេត្តកំពង់ស្ពឺ។
ក្នុងឱកាសនោះ ក្រុមការងារជលសាស្ត្របានធ្វើការសិក្សាវាស់ធារទឹកនៅទីតាំងស្ថានីយធ្នោះលួង ដែលស្ថិតក្នុងក្រុងច្បារមន ខេត្តកំពង់ស្ពឺ និងបានបន្តចុះពិនិត្យថែទាំស្ថានីយជលសាស្រ្ដស្វ័យប្រវត្តិចំនួន ៥ផ្សេងទៀតដូចជា៖
ទី១-ស្ថានីយក្រាំងពន្លៃ ស្ថិតក្នុងភូមិអន្លង់ជ្រៃ ឃុំប្រាំបីមុម ស្រុកថ្ពង ខេត្តកំពង់ស្ពឺ
ទី២-ស្ថានីយកន្ទួត ស្ថិតក្នុងភូមិផ្សារកន្ទួត ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ
ទី៣-ស្ថានីយតាសាល ស្ថិតក្នុងភូមិជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ
ទី៤-ស្ថានីយឃ្លៀច ស្ថិតក្នុងភូមិរោងម៉ាស៊ីន ឃុំតាសាល ស្រុកឱរ៉ាល់ ខេត្តកំពង់ស្ពឺ
ទី៥-ស្ថានីយពាមឃ្លៃ ស្ថិតក្នុងភូមិពាមឃ្លៃ ឃុំទំព័រមាស ស្រុកសំរោងទង ខេត្តកំពង់ស្ពឺ
ជាមួយគ្នានេះដែរ ក្នុងពេលចុះអនុវត្តការងារថែទាំស្ថានីយជលសាស្ត្រស្វ័យប្រវត្តិ ក្រុមការងារក៏បានធ្វើការផ្លាស់ប្ដូរស៊ីមកាតស្ថានីយដែលមានការរអាក់រអួលក្នុងការបញ្ជូនទិន្នន័យ ត្រួតពិនិត្យទិន្នន័យវាស់ដោយឧបករណ៍វាស់កម្ពស់ទឹក និងតម្រងទឹកភ្លៀង ព្រមទាំងកាប់មែកឈើក្បែរស្ថានីយ៕
