នាថ្ងៃចន្ទ ១១រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ខែកញ្ញា ឆ្នាំ២០២៣ នេះ ឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម ដឹកនាំកិច្ចប្រជុំជាមួយធនាគារ ADB និង ធនាគារ AIIB ពិនិត្យវឌ្ឍនភាពគម្រោងគ្រប់គ្រងវិស័យធនធានទឹកដោយវិធានការចម្រុះ (IWRM) នៅទីស្តីការក្រសួង។

នៅក្នុងកិច្ចប្រជុំនេះ ដោយបានទទួលនូវកិច្ចសហប្រតិបត្តិការដ៏រឹងមាំពីសំណាក់ក្រសួងសេដ្ឋកិច្ច និងហិរញ្ញវត្តុ (MEF) អមដោយសហការីជាតិអន្តរជាតិ ឯកឧត្តម អស់លោក លោកស្រី តំណាងក្រសួងស្ថាប័នពាក់ព័ន្ធទាំងអស់ អស់លោក លោកស្រី ប្រធានអង្គភាពនានាក្រោមឱវាទក្រសួងធនធានទឹក និងឧតុនិយម លោកអភិបាលរងនៃគណៈអភិបាលខេត្តពោធិ៍សាត់ និងខេត្តបាត់ដំបង លោកប្រធានមន្ទីរធនធានទឹក និងឧតុនិយមខេត្តពោធិ៍សាត់ និងខេត្តបាត់ដំបងបានជួបប្រជុំជាមួយក្រុមបេសកកម្មត្រួតពិនិត្យរបស់ធនាគារអភិវឌ្ឍន៍អាស៊ី (ADB) និងធនាគារវិនិយោគហេដ្ឋារចនាសម្ព័ន្ធអាស៊ី (AIIB) លើសកម្មភាពវឌ្ឍនភាពរបស់គម្រោងការគ្រប់គ្រងវិស័យធនធានទឹកដោយវិធានការចម្រុះ (IWRM) ដែលបានអនុវត្ដពេលកន្លងមកនៅក្នុងភូមិសាស្រ្តខេត្តពោធិ៍សាត់ និងខេត្តបាត់ដំបង៕