ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ប៉ុញ សច្ចៈ រដ្ឋលេខាធិការ អញ្ជើញចូលរួមប្រជុំពិភាក្សាតាមប្រព័ន្ធវីដេអូជាមួយក្រុមការងារក្រុមប្រឹក្សាទឹកអាស៊ី ដើម្បីត្រៀមរៀបចំកិច្ចប្រជុំក្រុមប្រឹក្សាភិបាលទឹកអាស៊ីលើកទី២៣ នៅប្រទេសវៀតណាម
ផុសថ្ងៃ: 16-10-2025 | អ្នកអាន: 676 |
Shareនៅល្ងាចថ្ងៃពុធ ៨រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៥ ខែតុលា ឆ្នាំ២០២៥ ឯកឧត្តម ប៉ុញ សច្ចៈ រដ្ឋលេខាធិការ ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញចូលរួមប្រជុំតាមប្រព័ន្ធវីដេអូជាមួយក្រុមការងារក្រុមប្រឹក្សាទឹកអាស៊ី(AWC) ដោយផ្ដោតការពិភាក្សាការងារដើម្បីត្រៀមរៀបចំកិច្ចប្រជុំក្រុមប្រឹក្សាភិបាលនៃក្រុមប្រឹក្សាទឹកអាស៊ី លើកទី២៣ (23rd AWC Board of Committee (BoC) ដែលគ្រោងនឹងប្រព្រឹត្តទៅនៅថ្ងៃទី៤-៥ ខែវិច្ឆិកា ឆ្នាំ២០២៥ នៅទីក្រុងហាណូយ ប្រទេសវៀតណាម។
សូមបញ្ជាក់ថា ប្រទេសកម្ពុជា បានរៀបចំដោយជោគជ័យនូវកិច្ចប្រជុំក្រុមប្រឹក្សាភិបាលនៃក្រុមប្រឹក្សាទឹកអាស៊ីលើកទី២២ ឆ្នាំ២០២៥ កាលពីថ្ងៃទី២៧ ខែកុម្ភៈ ឆ្នាំ២០២៥ នៅរាជធានីភ្នំពេញ ដែលមានការចូលរួមពីអ្នកជំនាញជាតិ និងអន្តរជាតិមកពីប្រទេសចំនួន១០ រួមមាន ចិន ថៃ កូរ៉េ អ៊ូសបេគីស្ថាន ប៉ាគីស្ថាន ស្វីស ម៉ុងហ្គោលី ហ្វីលីពីន សិង្ហបុរី និងកម្ពុជា សរុបប្រមាណ ១២០នាក់ ខណៈដែលសម័យប្រជុំលើកទី២១ នៃក្រុមប្រឹក្សាភិបាលនៃក្រុមប្រឹក្សាទឹកអាស៊ី បានធ្វើឡើងកាលពីថ្ងៃទី២៣-២៨ ខែកញ្ញា ឆ្នាំ២០២៤ នៅរដ្ឋធានីប៉េកាំង នៃសាធារណរដ្ឋប្រជាមានិតចិន៕
