ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
លោក ចាន់ វណ្ណា អញ្ជើញចុះពិនិត្យជាក់ស្តែងសំណង់របងថ្មរបស់ក្រុមហ៊ុនឯកជនដែលសង់ចូលដីចំណីអូរធម្មជាតិ ក្នុងភូមិសាស្ត្រស្រុកជុំគិរី ខេត្តកំពត
ផុសថ្ងៃ: 27-10-2025 | អ្នកអាន: 37 |
Shareនៅថ្ងៃចន្ទ ៦កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែតុលា ឆ្នាំ២០២៥ នេះ លោក ចាន់ វណ្ណា ប្រធានមន្ទីរធនធានទឹក និងឧតុនិយមខេត្តកំពត អនុវត្តតាមការណែនាំដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានសហការជាមួយរដ្ឋបាលស្រុកជុំគីរី បានចុះពិនិត្យជាក់ស្តែងទីតាំងអូរធម្មជាតិមួយកន្លែងដែលក្រុមហ៊ុនឯកជនបានសាងសង់របងថ្មចូលដីចំណីអូរ ស្ថិតក្នុងភូមិស្នាយអញ្ជិត ឃុំស្នាយអញ្ជិត ស្រុកជុំគិរី ខេត្តកំពត។
ជាលទ្ធផល លោកប្រធានមន្ទីរធនធានទឹក និងឧតុនិយមខេត្តកំពត បានឱ្យដឹងថា ក្រុមការងារបានស្នើឱ្យក្រុមហ៊ុនរុះរើរបងថ្មផ្នែកខ្លះ ដែលបានសង់ចូលដីចំណីអូរធម្មជាតិ និងបានណែនាំឱ្យក្រុមហ៊ុនសុំច្បាប់ពីអាជ្ញាធរនៅពេលសង់របងនេះថ្មីឡើងវិញ ដោយរក្សាទុកគម្លាតចំណីអូរតាមច្បាប់ដែលបានកំណត់៕
