ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម អឿង ចន្ថា អនុរដ្ឋលេខាធិការ អញ្ជើញដឹកនាំក្រុមការងារគម្រោងកែលម្អសន្តិសុខទឹកកម្ពុជា ចូលរួមសិក្ខាសាលាស្តីពីការគ្រប់គ្រងតំបន់ឆ្នេរសមុទ្រ ប្រកបដោយភាពធន់ និងសមត្ថភាពបន្សាំខ្លួន នៅទីក្រុងហូជីមិញ ប្រទេសវៀតណាម
ផុសថ្ងៃ: 27-10-2025 | អ្នកអាន: 34 |
Shareនៅថ្ងៃចន្ទ ៦កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែតុលា ឆ្នាំ២០២៥នេះ ឯកឧត្តមសាស្រ្តចារ្យបណ្ឌិត អឿង ចន្ថា អនុរដ្ឋលេខាធិការ និងជានាយកគម្រោងកែលម្អសន្តិសុខទឹកកម្ពុជា ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម បានអញ្ជើញដឹកនាំក្រុមការងារគម្រោងកែលម្អសន្តិសុខទឹកកម្ពុជា ចូលរួមសិក្ខាសាលាស្តីពីការគ្រប់គ្រងតំបន់ឆ្នេរសមុទ្រ ប្រកបដោយភាពធន់ និងសមត្ថភាពបន្សាំខ្លួន ដែលរៀបចំដោយធនាគារពិភពលោក នៅទីក្រុងហូជីមិញ ប្រទេសវៀតណាម រយៈពេល ៥ថ្ងៃចាប់ពីថ្ងៃទី២៧ ដល់ថ្ងៃទី៣១ ខែតុលា ឆ្នាំ២០២៥។
ឯកឧត្តមអនុរដ្ឋលេខាធិការ បានបញ្ជាក់ឱ្យដឹងថា សិក្ខាសាលានេះ ផ្តោតសំខាន់លើការផ្លាស់ប្តូរចំណេះដឹង កិច្ចពិភាក្សា និងការចែករំលែកបទពិសោធន៍ពីតំណាងប្រទេសនីមួយៗ រួមមាន៖ វៀតណាម កម្ពុជា ឥណ្ឌា និងបង់ក្លាដែស ក្នុងការរៀបចំផែនការ និងការគ្រប់គ្រងតំបន់ឆ្នេរសមុទ្រនិងអាងទន្លេចម្រុះ ដែលមានភាពធន់ និងការបន្សាំខ្លួនទៅនឹងការប្រែប្រួលអាកាសធាតុ និងជីវភាពរស់នៅប្រកបដោយនិរន្តរភាព។
ជាមួយគ្នានេះ ឯកឧត្តមអនុរដ្ឋលេខាធិការ បានបញ្ជាក់បន្ថែមថា នៅក្នុងសិក្ខាសាលានេះ ក៏មានការធ្វើបទបង្ហាញចែករំលែកបទពិសោធន៍ និងវិធីសាស្រ្តនៃការរៀបចំផែនការតំបន់ដីសណ្តទន្លេមេគង្គ រួមមាន៖ (១)ផែនទីមេតំបន់ដីសណ្តទន្លេមេគង្គ (២)តួនាទីរបស់ប្រព័ន្ធគាំទ្រការសម្រេចចិត្ត (DSS) ក្នុងការរៀបចំផែនការ និងការវិនិយោគសម្រាប់តំបន់ដីសណ្តទន្លេមេគង្គ (៣)ការផ្លាស់ប្តូរផលិតកម្ម និងគំរូតំណភ្ជាប់ការប្រើប្រាស់នៅក្នុងខេត្តមាត់សមុទ្រ និង (៤)ទិដ្ឋភាពទូទៅនិងវីដេអូណែនាំមជ្ឈមណ្ឌលទិន្នន័យតំបន់ដីសណ្ដទន្លេមេគង្គ៕
