ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តមរដ្ឋមន្ត្រី ថោ ជេដ្ឋា អញ្ជើញដឹកនាំកិច្ចប្រជុំពិភាក្សាស្តីពីផលប៉ះពាល់លើប្រព័ន្ធធារាសាស្ត្រ និងប្រព័ន្ធដោះទឹកនៅតាមបណ្តោយគម្រោងគ្រប់គ្រងធនធានទឹកចម្រុះហ្វូណនតេជោ
ផុសថ្ងៃ: 07-04-2026 | អ្នកអាន: 14 |
Shareឯកឧត្តមរដ្ឋមន្ត្រី ថោ ជេដ្ឋា អញ្ជើញដឹកនាំកិច្ចប្រជុំពិភាក្សាស្តីពីផលប៉ះពាល់លើប្រព័ន្ធធារាសាស្ត្រ និងប្រព័ន្ធដោះទឹកនៅតាមបណ្តោយគម្រោងគ្រប់គ្រងធនធានទឹកចម្រុះហ្វូណនតេជោ
===============
នាព្រឹកថ្ងៃអង្គារ ៥រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៧ ខែមេសា ឆ្នាំ២០២៦នេះ នៅទីស្ដីការក្រសួង ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញជាអធិបតីដឹកនាំកិច្ចប្រជុំពិភាក្សាស្តីពីផលប៉ះពាល់លើប្រព័ន្ធធារាសាស្ត្រ និងប្រព័ន្ធដោះទឹក នៅតាមបណ្តោយគម្រោងគ្រប់គ្រងធនធានទឹកចម្រុះហ្វូនតេជោ ដោយមានវត្តមានចូលរួមពីតំណាងក្រសួងធារណការ និងដឹកជញ្ជូន ក្រុមហ៊ុនហ្វូណនតេជោ អ៊ីនឡេន វ័រធវេយ អេន ឡូជីស្ទីក ឯ.ក និងក្រុមហ៊ុនស្ពាន និងថ្នល់ចិន (CRBC)។
សូមបញ្ជាក់ថា លទ្ធផលនៃការសិក្សាបឋមរបស់ក្រុមការងារបច្ចេកទេសនៃក្រសួងធនធានទឹក និងឧតុនិយម មានប្រព័ន្ធធារាសាស្ត្រចំនួន ២៨ ប្រព័ន្ធ ដែលគ្របដណ្ដប់លើផ្ទៃដីស្រោចស្រពសរុប ៣៩ ៦៧៨ហិកតា នៅតាមបណ្តោយគម្រោងគ្រប់គ្រងធនធានទឹកចម្រុះហ្វូណនតេជោទទួលរងផលប៉ះពាល់។ ទន្ទឹមនឹងនេះ ក៏មានផលប៉ះពាល់ដល់ប្រភពទឹក និងប្រព័ន្ធដោះទឹកជំនន់ធម្មជាតិសំខាន់ៗដែលមានទំនាក់ទំនងជាមួយគម្រោងដែរ គឺ ផ្លូវទឹកធម្មជាតិតូចធំចំនួន ២២កន្លែង ស្ទឹងព្រែកត្នោត និងព្រែកនាំដីល្បាប់ចំនួន ៩៩ព្រែក៕
===== English=====
On April 7, 2026, His Excellency Thor Chetha, Minister of Water Resources and Meteorology (MoWRAM), presided over a meeting to discuss the impacts on irrigation and drainage systems along the Funan Techo Integrated Water Resources Management Project. The meeting was attended by representatives from the Ministry of Public Works and Transport, Funan Techo Inland Waterway and Logistics Co., Ltd., and China Road and Bridge Corporation (CRBC).
According to preliminary findings by the MoWRAM’s technical team, 28 irrigation systems covering a total of 39,678 hectares along the project corridor are expected to be affected. In addition, impacts have been identified on water sources and key natural drainage systems linked to the project, including 22 natural waterways of various sizes, the Prek Tnaot River, and 99 sediment-carrying canals.
