ក្នុងឱកាសនោះ ឯកឧត្តមរដ្ឋលេខាធិការប្រចាំការ បានចុះពិនិត្យស្ថានភាពទឹកជាក់ស្ដែងនៅតាមទីតាំងសំខាន់ៗ រួមមាន៖ ១. សំណង់ស្ទាក់ទឹកអន្លង់ក្រូច ស្ថិតក្នុងឃុំបួរ ស្រុកភ្នំព្រឹក ខេត្តបាត់ដំបង ២. ទំនប់តាបិន ស្ថិតក្នុងឃុំជ្រៃសីម៉ា ស្រុកសំពៅលូន ខេត្តបាត់ដំបង ៣. សំណង់ស្ទាក់ទឹកកំរៀង ស្ថិតក្នុងឃុំកំរៀង ស្រុកកំរៀង ខេត្តបាត់ដំបង ៤. សំណង់ស្ទាក់ទឹកភ្នំកុយ ស្ថិតក្នុងឃុំសាលាក្រៅ ស្រុកសាលាក្រៅ ខេត្តប៉ៃលិន ៥. សំណង់ស្ទាក់ទឹកភ្នំព្រាល ស្ថិតក្នុងឃុំស្ទឹងត្រង់ ស្រុកសាលាក្រៅ ខេត្តប៉ៃលិន ៦. សំណង់ស្ទាក់ទឹកដីស ស្ថិតក្នុងឃុំស្ទឹងត្រង់ ស្រុកសាលាក្រៅ ខេត្តប៉ៃលិន ៧. សំណង់ស្ទាក់ទឹកកូនដំរី២ ស្ថិតក្នុងឃុំស្ទឹងត្រង់ ស្រុកសាលាក្រៅ ខេត្តប៉ៃលិន ៨. សំណង់ស្ទាក់ទឹកក្បាលឡាន ស្ថិតក្នុងឃុំសាលាក្រៅ ស្រុកសាលាក្រៅ ខេត្តប៉ៃលិន។

 

ទន្ទឹមនឹងនេះ ឯកឧត្តមរដ្ឋលេខាធិការប្រចាំការ បានបញ្ជាក់ថា បរិមាណទឹកប្រើប្រាស់ប្រចាំថ្ងៃនាពេលបច្ចុប្បន្នគឺមានសភាពគ្រប់គ្រាន់ ហើយក្រសួងនៅតែបន្តស្វែងរកទីតាំងមានសក្តានុពល ដើម្បីអភិវឌ្ឍន៍ និងពង្រីកប្រភពទឹកបន្ថែមសម្រាប់ផ្គត់ផ្គង់ទឹកជូនបងប្អូនវីរកងទ័ពប្រើប្រាស់ប្រចាំថ្ងៃ និងត្រៀមបង្ការការខ្វះខាតនាពេលខាងមុខ៕