ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ក្រុមការងារបច្ចេកទេសក្រសួងធនធានទឹក និងឧតុនិយម បន្តចុះបំពេញបេសកកម្មថែទាំស្ថានីយជលសាស្ត្រស្វ័យប្រវត្តិចំនួន ០៤ទីតាំង ក្នុងខេត្តពោធិ៍សាត់
ផុសថ្ងៃ: 04-05-2026 | អ្នកអាន: 11 |
Shareនាថ្ងៃចន្ទ ៣រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែឧសភា ឆ្នាំ២០២៦ ក្រុមមន្ត្រីជំនាញបច្ចេកទេសនៃនាយកដ្ឋានជលសាស្ត្រ និងការងារទន្លេ របស់ក្រសួងធនធានទឹក និងឧតុនិយម បានបន្តចុះបំពេញបេសកកម្ម ក្នុងការពិនិត្យ ជួសជុល និងថែទាំស្ថានីយជលសាស្ត្រស្វ័យប្រវត្តិ ដែលស្ថិតក្នុងភូមិសាស្ត្រខេត្តពោធិ៍សាត់។
ក្នុងសកម្មភាពចុះអនុវត្តការងារផ្ទាល់នេះ ក្រុមការងារបច្ចេកទេសបានយកចិត្តទុកដាក់ខ្ពស់លើការថែទាំស្ថានីយសំខាន់ៗចំនួន ០៤ទីតាំង ក្នុងស្រុកភ្នំក្រវាញ ខេត្តពោធិ៍សាត់ រួមមាន៖ ទី១) ស្ថានីយព្រៃខ្លុង ស្ថិតក្នុងឃុំរកាត ទី២) ស្ថានីយពាម ស្ថិតក្នុងឃុំរកាត ទី៣) ស្ថានីយសន្ទ្រែ ស្ថិតក្នុងឃុំសន្ទ្រែ និងទី៤) ស្ថានីយត្រង់ទឹកភ្លៀងទំនប់ទី៣ ស្ថិតក្នុងឃុំរកាត។
គោលបំណងនៃបេសកកម្មនេះ គឺផ្តោតលើការងារបច្ចេកទេសចាំបាច់មួយចំនួនដូចជា ការផ្លាស់ប្តូរឧបករណ៍ផ្ទុកទិន្នន័យ (Datalogger) ការត្រួតពិនិត្យ និងសម្អាតឧបករណ៍វាស់កម្ពស់ទឹក ដើម្បីជៀសវាងការកកស្ទះដោយល្បាប់ដែលនាំឱ្យទិន្នន័យមានការលម្អៀង។ ទន្ទឹមនឹងនោះ ក្រុមការងារក៏បានធ្វើការលាងសម្អាតឧបករណ៍វាស់កម្រិតទឹកភ្លៀង កាត់មែកឈើ និងជម្រះស្មៅក្នុងបរិវេណស្ថានីយ ដើម្បីការពារការកកស្ទះរន្ធបង្ហូរទឹកពីធូលី ឬស្លឹកឈើ និងធានាឱ្យឧបករណ៍អាចដំណើរការ និងបញ្ជូនទិន្នន័យបានយ៉ាងសុក្រឹត និងទាន់ពេលវេលា៕
