ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម សេរី បណ្ឌិត អញ្ជើញចុះពិនិត្យជាក់ស្តែងស្ថានភាពទឹកនៅតាមបណ្តាអាងស្ដុកទឹក និងដំណើរការស្ថានីយឧតុនិយម ក្នុងភូមិសាស្ត្រខេត្តព្រះវិហារ
ផុសថ្ងៃ: 08-10-2025 | អ្នកអាន: 22 |
Shareនៅថ្ងៃព្រហស្បតិ៍ ២រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែតុលា ឆ្នាំ២០២៥នេះ ឯកឧត្តម សេរី បណ្ឌិត ប្រធានសម្របសម្រួលការងារគ្រប់គ្រងធនធានទឹក និងឧតុនិយមខេត្តព្រះវិហារ ក្នុងនាមតំណាងដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម អមដំណើរដោយប្រធានមន្ទីរធនធានទឹក និងឧតុនិយមខេត្តព្រះវិហារ បានអញ្ជើញចុះពិនិត្យជាក់ស្តែងស្ថានភាពទឹកនៅតាមបណ្ដាអាងទឹក និងដំណើរការនៃស្ថានីយឧតុនិយម ក្នុងភូមិសាស្ត្រខេត្តព្រះវិហារ។
ក្នុងដំណើរបេសកកម្មនេះ ឯកឧត្តម និងក្រុមការងារ បានចុះពិនិត្យស្ថានភាពទូទៅតាមបណ្ដាទំនប់ទឹក នៅក្នុងស្រុក-ក្រុងចំនួនបី គឺ៖ ១)ទំនប់ទឹកអូរកំបោរ ទំនប់ទឹក ទឹកក្រហម ក្នុងស្រុករវៀង ២)ទំនប់ទឹករក្សា ក្នុងព្រំប្រទល់ស្រុករវៀង និងស្រុកជ័យសែន ៣)ទំនប់ទឹក៩៥ និងដំណើរការនៃស្ថានីយឧតុនិយម ក្នុងក្រុងព្រះវិហារ។
ក្នុងឱកាសនោះ ឯកឧត្តម បានពាំនាំប្រសាសន៍ណែនាំរបស់ឯកឧត្តមរដ្ឋមន្ត្រី ឱ្យបន្តការយកចិត្តទុកដាក់តាមដានស្ថានភាពទឹកនៅតាមបណ្តាអាងស្ដុកទឹកទូទាំងខេត្ត ជាពិសេសពង្រឹងការគ្រប់គ្រងប្រតិបត្តិការបិទបើកទ្វារទឹក ការការពារសុវត្ថិភាពតាមទំនប់ទឹក ការងារជួសជុល និងថែទាំជាប្រចាំ ឱ្យបានទៅតាមបច្ចេកទេស ព្រមទាំងការត្រៀមលក្ខណៈជាប់ជាប្រចាំដើម្បីឆ្លើយតបការងារអន្តរាគមន៍ ចំពោះគ្រោះទឹកជំនន់ និងមានវិធានការថែរក្សាទឹកទុកឱ្យបានគ្រប់គ្រាន់ក្រោយចប់រដូវវស្សា៕
