ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម សុត រស្មី រដ្ឋលេខាធិការ អញ្ជើញចុះពិនិត្យ វាយតម្លៃលទ្ធផលការថែទាំជាប្រចាំឆ្នាំ២០២៥ (ដំណាក់កាលទី២) និងពិនិត្យ វាយតម្លៃ បញ្ចប់សុពលភាព ការថែទាំខួប នៅក្នុងភូមិសាស្ត្រខេត្តកំពង់ឆ្នាំង
ផុសថ្ងៃ: 10-10-2025 | អ្នកអាន: 11 |
Shareនៅថ្ងៃសុក្រ ៣រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែតុលា ឆ្នាំ២០២៥ នេះ ឯកឧត្តម សុត រស្មី រដ្ឋលេខាធិការ និងជាប្រធានគណៈកម្មាធិការលទ្ធកម្ម(គល) ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំក្រុមការងារអន្តរក្រសួង ដែលរួមមាន ក្រសួងសេដ្ឋកិច្ច និងហិរញ្ញវត្ថុ សហការជាមួយនាយកដ្ឋានធារាសាស្ត្រកសិកម្ម បានចុះពិនិត្យ វាយតម្លៃលទ្ធផលការថែទាំជាប្រចាំ និងខួប ឆ្នាំ២០២៥ (ដំណាក់កាលទី២) ក្នុងភូមិសាស្ត្រខេត្តកំពង់ឆ្នាំង។
ក្នុងដំណើរបេសកកម្ម ឯកឧត្តមរដ្ឋលេខាធិការ និងមន្ត្រីជំនាញអន្តរក្រសួង បានចុះពិនិត្យ វាយតម្លៃលទ្ធផលការថែទាំជាប្រចាំឆ្នាំ២០២៥ (ដំណាក់កាលទី២) និងពិនិត្យ វាយតម្លៃ បញ្ចប់សុពលភាព ការថែទាំខួប រួមមាន៖ ទី១)ប្រព័ន្ធធារាសាស្ត្រលំហាច ស្ថិតក្នុងស្រុកបរិបូរណ៍ ទី២)ប្រព័ន្ធធារាសាស្ត្រអាចាង ស្ថិតក្នុងស្រុកបរិបូរណ៍ និងទី៣)ថែទាំខួបប្រព័ន្ធធារាសាស្ត្រទំនប់ព្រែកជីកលំហាច ស្ថិតក្នុងស្រុកទឹកផុស ខេត្តកំពង់ឆ្នាំង ក្រោយចប់ធានាគុណភាពរយៈពេល ១២ខែ។
ជាលទ្ធផល ឯកឧត្តមរដ្ឋលេខាធិការ និងក្រុមការងារអន្តរក្រសួង បានកោតសរសើរ និងវាយតម្លៃខ្ពស់ចំពោះនាយកដ្ឋានធារាសាស្ត្រកសិកម្ម ក្នុងការអនុវត្តការងារថែទាំប្រព័ន្ធធារាសាស្ដ្រទាំងបីខាងលើ បានគាប់ប្រសើរ និងត្រឹមត្រូវតាមបទដ្ឋានបច្ចេកទេស រួមជាមួយសោភ័ណភាព ដើម្បីជាគុណប្រយោជន៍យូរអង្វែង សម្រាប់ជួយធ្វើឱ្យប្រសើរឡើងនូវសេដ្ឋកិច្ច-សង្គមមូលដ្ឋានរបស់បងប្អូនប្រជាពលរដ្ឋ ជាពិសេសបម្រើដល់ពហុវិស័យរួមមាន៖ ការស្រោចស្រព ទេសចរណ៍ ផ្លូវគមនាគមន៍ ទឹកស្អាត និងការប្រើប្រាស់ប្រចាំថ្ងៃនៅក្នុងតំបន់៕
