សូមជម្រាបថា ក្នុងឆ្នាំ២០២៥ ក្រសួងរៀបចំដែនដី នគរូបនីយកម្ម និងសំណង់ បានបន្តដាក់ចេញ និងអនុវត្តយ៉ាងខ្ជាប់ខ្ជួននូវសមរភូមិការងារសំខាន់ៗចំនួន៨ ដោយផ្តោតទៅលើការលើកកម្ពស់ជីវភាពរស់នៅរបស់ប្រជាពលរដ្ឋ និងការជំរុញកំណើនសេដ្ឋកិច្ចជាតិប្រកបដោយចីរភាព ដើម្បីរក្សាសន្តិសុខនយោបាយ សន្តិសុខនិងសុវត្ថិភាពសេដ្ឋកិច្ច ខឿនការពារជាតិ និងការផ្ដល់ទំនុកចិត្តនិងការជឿជាក់លើកម្ពុជា។ ក្រសួង បាននិងកំពុងចូលរួមចំណែកយ៉ាងស្វាហាប់ក្នុងការអនុវត្តគោលនយោបាយ ផែនការយុទ្ធសាស្ត្រ និងកម្មវិធីនយោបាយរបស់រាជរដ្ឋាភិបាល ជាពិសេស យុទ្ធសាស្ត្របញ្ចកោណដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និងចីរភាព ជាមួយនឹងអាទិភាពគន្លឹះទាំង៥ គឺមនុស្ស ផ្លូវ ទឹក ភ្លើង និងបច្ចេកវិទ្យា៕