ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តមរដ្ឋមន្ត្រី ថោ ជេដ្ឋា អញ្ជើញចូលរួមពិធីបើកកម្មវិធី«មនសិការពលរដ្ឋល្អ»ដល់យុវជនតាមគ្រឹះស្ថានសិក្សាឆ្នាំ២០២៦
ផុសថ្ងៃ: 11-12-2025 | អ្នកអាន: 93 |
Shareនារសៀលថ្ងៃពុធ ៥រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែធ្នូ ឆ្នាំ២០២៥នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាសមាជិកគណៈអចិន្ត្រៃយ៍សហភាពសហព័ន្ធយុវជនកម្ពុជា បានអញ្ជើញចូលរួមក្នុងពិធីបើកកម្មវិធី«មនសិការពលរដ្ឋល្អ» ដល់យុវជនតាមគ្រឹះស្ថានសិក្សាឆ្នាំ២០២៦ នៅមជ្ឈមណ្ឌលម៉ានី រាជធានីភ្នំពេញ ក្រោមសហអធិបតីភាពឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា។
សូមបញ្ជាក់ថា ក្រសួងអប់រំ យុវជន និងកីឡា និងសហភាពសហព័ន្ធយុវជនកម្ពុជា បានអនុវត្តរួមគ្នានូវកម្មវិធី«មនសិការពលរដ្ឋល្អ» ដល់យុវជនតាមគ្រឹះស្ថានសិក្សាតាមបណ្តារាជធានី-ខេត្តគោលដៅចំនួន១២ រួមមាន៖ រាជធានីភ្នំពេញ ខេត្តកណ្តាល ខេត្តស្វាយរៀង ខេត្តសៀមរាប ខេត្តបាត់ដំបង ខេត្តកំពង់ស្ពឺ ខេត្តព្រះសីហនុ ខេត្តកំពង់ចាម ខេត្តកំពង់ធំ ខេត្តប៉ៃលិន ខេត្តស្ទឹងត្រែង និងខេត្តតាកែវ តាមរយៈការអនុវត្តវិធីសាស្ត្របង្រៀនថ្មី និងបានជំរុញសកម្មភាពក្រៅម៉ោងសិក្សាសម្រាប់យុវជនជាមួយសមាជិកក្លឹប ដែលជាសិស្សថ្នាក់ទី១០ និងថ្នាក់ទី១១ ប្រកបដោយជោគជ័យក្នុងឆ្នាំសិក្សា២០២៤ និងឆ្នាំសិក្សា២០២៥៕
