ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម អឿង ចន្ថា អនុរដ្ឋលេខាធិការ អញ្ជើញដឹកនាំកិច្ចប្រជុំពិគ្រោះយោបល់ជាមួយក្រុមទីប្រឹក្សាបច្ចេកទេសរបស់គម្រោង PROGREEN
ផុសថ្ងៃ: 27-01-2026 | អ្នកអាន: 20 |
Shareនៅរសៀលថ្ងៃអង្គារ ៩កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែមករា ឆ្នាំ២០២៦នេះ ឯកឧត្តមសាស្រ្តចារ្យបណ្ឌិត អឿង ចន្ថា អនុរដ្ឋលេខាធិការ ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម បានអញ្ជើញដឹកនាំកិច្ចប្រជុំពិគ្រោះយោបល់ជាមួយក្រុមទីប្រឹក្សាបច្ចេកទេសរបស់គម្រោង The Global Partnership for Sustainable and Resilient Landscapes (PROGREEN) លើសេចក្តីព្រាងរបាយការណ៍ស្តីពី "ការសិក្សាសេណារីយ៉ូទំនាក់ទំនងរវាងព្រៃឈើ និងទឹក សម្រាប់កែលម្អសន្តិសុខទឹកនៅកម្ពុជា" និងសេចក្តីព្រាងរបាយការណ៍ស្តីពី "កម្មវិធីកាត់បន្ថយការបំភាយឧស្ម័នផ្ទះកញ្ចក់នៅកម្ពុជា" ដោយមានការចូលរួមពីថ្នាក់ដឹកនាំ និងមន្រ្តីជំនាញនៃនាយកដ្ឋានគ្រប់គ្រង និងអភិរក្សធនធានទឹក។
សូមជម្រាបថា កិច្ចប្រជុំពិគ្រោះយោបល់នេះ ក្នុងគោលបំណងគឺដើម្បី ទី១)បង្ហាញពីការសិក្សាសេណារីយ៉ូទំនាក់ទំនងរវាងព្រៃឈើ និងទឹកនៅកម្ពុជា ទី២)បទបង្ហាញស្តីពីកម្មវិធីកាត់បន្ថយការបំភាយឧស្ម័នផ្ទះកញ្ចក់នៅកម្ពុជា និងទី៣)ពិភាក្សា ផ្តល់មតិយោបល់ និងធាតុចូលលើការសិក្សា និងសេណារីយ៉ូមួយចំនួនជាមួយក្រុមទីប្រឹក្សាបច្ចេកទេសរបស់គម្រោង PROGREEN។
ក្នុងឱកាសនោះផងដែរ ឯកឧត្តមអនុរដ្ឋលេខាធិការបានគូសបញ្ជាក់ថា ក្រសួងធនធានទឹក និងឧតុនិយមនឹងបន្តពង្រឹងកិច្ចសហប្រតិបត្តិការ និងធ្វើការងារយ៉ាងជិតស្និទ្ធជាមួយក្រុមទីប្រឹក្សាបច្ចេកទេសរបស់គម្រោង PROGREEN លើការគ្រប់គ្រង និងអភិរក្សធនធានទឹក កម្ពុជាផងដែរ៕
