ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ប៉ុញ សច្ច: រដ្ឋលេខាធិការ អញ្ជើញចុះពិនិត្យជាក់ស្តែងវឌ្ឍនភាពគម្រោងអភិវឌ្ឍន៍ប្រព័ន្ធធារាសាស្រ្ត និងកាត់បន្ថយទឹកជំនន់ខេត្តបន្ទាយមានជ័យ ដែលសម្រេចបានប្រមាណ ៩៣%
ផុសថ្ងៃ: 05-02-2026 | អ្នកអាន: 12 |
Shareនៅថ្ងៃព្រហស្បតិ៍ ៣រោច ខែមាឃ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី៥ ខែកុម្ភៈ ឆ្នំា២០២៦ នេះ ឯកឧត្តម ប៉ុញ សច្ចៈ រដ្ឋលេខាធិការ និងជានាយកគម្រោង ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម បានដឹកនាំមន្ត្រីបច្ចេកទេសអង្គភាពគ្រប់គ្រងគម្រោងប្រធានមន្ទីរធនធានទឹក និងឧតុនិយមខេត្តបន្ទាយមានជ័យ ទីប្រឹក្សាគម្រោង និងអ្នកម៉ៅការសាងសង់ ដើម្បីចុះពិនិត្យជាក់ស្តែងវឌ្ឍនភាពការងាគម្រោងអភិវឌ្ឍន៍ប្រព័ន្ធធារាសាស្ត្រ និងកាត់បន្ថយទឹកជំនន់ខេត្តបន្ទាយមានជ័យ។
សូមជម្រាបថា បើតាមរបាយការណ៍គិតត្រឹមថ្ងៃទី៣០ ខែមករា ឆ្នាំ២០២៦នេះ វឌ្ឍនភាពការងារសាងសង់សម្រេចបានប្រមាណ ៩៣% ដែលក្នុងនោះមាន ១)ប្រឡាយមេលេខMC១-២ប្រវែង ៣២,៣៩គីឡូម៉ែត្រ សម្រេចបាន ៩១% ២)ប្រឡាយលេខ MC២ ប្រវែង ១៦,៤២គីឡូម៉ែត្រ សម្រេចបាន ៩៩% ៣)ប្រឡាយលេខ MC៣-១ ប្រវែង ២៨,៣៥គីឡូម៉ែត្រ សម្រេចបាន ៨៧% និង ៤)ហេដ្ឋារចនាសម្ព័ន្ធនានា សម្រេចបាន ១០០%។
ក្នុងឱកាសនោះ ឯកឧត្តមរដ្ឋលេខាធិការ បានជំរុញឱ្យក្រុមហ៊ុនម៉ៅការសាងសង់បន្តយកចិត្តដាក់លើការងារបច្ចេកទេស និងសោភណភាព ព្រមទាំងជំរុញពន្លឿនការងារសាងសង់ឱ្យសម្រេចបានតាមផែនការនាពាក់កណ្តាលខែមិថុនា ឆ្នាំ២០២៦ខាងមុខ៕
