ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
លោក ម៉ែន ម្លប់បុណ្យ អញ្ជើញជាធិបតីបើកវគ្គបណ្តុះបណ្តាលស្តីពីមេរៀនស្តង់ដារបច្ចេកទេសសម្រាប់គ្រប់គ្រង និងអភិវឌ្ឍសហគមន៍កសិករប្រើប្រាស់ទឹក (ស.ក.ប.ទ) ក្នុងខេត្តកំពង់ស្ពឺ
ផុសថ្ងៃ: 20-02-2026 | អ្នកអាន: 13 |
Shareនៅថ្ងៃសុក្រ ៤កើត ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែមីនា ឆ្នាំ២០២៥ លោក ម៉ែន ម្លប់បុណ្យ អនុប្រធាននាយកដ្ឋានសហគមន៍កសិករប្រើប្រាស់ទឹក នៃក្រសួងធនធានទឹក និងឧតុនិយម បានអញ្ជើញជាធិបតីក្នុងពិធីបើកវគ្គបណ្តុះបណ្តាលស្តីពី «មេរៀនស្តង់ដារបច្ចេកទេសសម្រាប់គ្រប់គ្រង និងអភិវឌ្ឍសហគមន៍កសិករប្រើប្រាស់ទឹក (ស.ក.ប.ទ)» នៅមន្ទីរធនធានទឹក និងឧតុនិយមខេត្តកំពង់ស្ពឺ ដោយមានការចូលរួមពីថ្នាក់ដឹកនាំរដ្ឋបាលក្រុង-ស្រុក មន្ត្រីជំនាញ និងតំណាងគណៈកម្មាធិការ ស.ក.ប.ទ.។
សូមជម្រាបថា វគ្គបណ្តុះបណ្តាលនេះ រៀបចំឡើងក្នុងគោលបំណងពង្រឹងសមត្ថភាព និងពង្រីកវិសាលភាពចំណេះដឹងផ្នែកបច្ចេកទេសដល់សិក្ខាកាមលើការងារគ្រប់គ្រង និងថែទាំប្រព័ន្ធធារាសាស្ត្រឱ្យកាន់តែមានប្រសិទ្ធភាពខ្ពស់។ តាមរយៈការទទួលបាននូវចំណេះដឹងថ្មីៗទាំងនេះ សិក្ខាកាមនឹងក្លាយជាគ្រូបង្គោលដែលមានសមត្ថភាពពេញលេញ ក្នុងការចុះបណ្តុះបណ្តាលបន្តដល់សមាជិក ស.ក.ប.ទ. នៅតាមមូលដ្ឋាន សំដៅជំរុញការបែងចែក និងប្រើប្រាស់ទឹកក្នុងវិស័យកសិកម្មប្រកបដោយសមធម៌ ចីរភាព និងឆ្លើយតបបានទាន់ពេលវេលាទៅនឹងតម្រូវការបង្កបង្កើនផលរបស់បងប្អូនប្រជាកសិករ៕
