ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
លោក ថាំង វីយុទ្ធដា អញ្ជើញចុះពិនិត្យវឌ្ឍនភាពគម្រោងសាងសង់ទំនប់អាងទឹកវិទ្យាស្ថានពហុជំនាញយោធាតេជោសែន ស្ថិតក្នុងខេត្តតាកែវ ដែលសម្រេចបានជិត ១០០%
ផុសថ្ងៃ: 22-02-2026 | អ្នកអាន: 21 |
Shareនារសៀលថ្ងៃអាទិត្យ ៦កើត ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២២ ខែកុម្ភៈ ឆ្នាំ២០២៦ លោក ថាំង វីយុទ្ធដា ប្រធាននាយកដ្ឋានវិស្វកម្ម តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំមន្ត្រីបច្ចេកទេស អញ្ជើញចុះពិនិត្យវឌ្ឍនភាពការងារសាងសង់ទំនប់អាងទឹកវិទ្យាស្ថានពហុជំនាញយោធាតេជោសែន ដែលមានទីតាំងស្ថិតក្នុងឃុំត្រពាំងក្រញូង ស្រុកត្រាំកក់ ខេត្តតាកែវ។
គិតមកទល់ពេលនេះ វឌ្ឍនភាពការងារសម្រេចបានលទ្ធផលយ៉ាងល្អប្រសើរ ហើយគ្រោងនឹងបញ្ចប់ជាស្ថាពរនៅចុងខែកុម្ភៈ ឆ្នាំ២០២៦ ខាងមុខនេះ។ យោងតាមរបាយការណ៍បច្ចេកទេស គម្រោងសាងសង់នេះរួមមាន៖ សាងសង់ទំនប់អាងទឹកប្រវែង ១៣០ ម៉ែត្រ និងសាងសង់សំណង់សិល្បការ្យចំនួន ២ កន្លែង។
ក្នុងឱកាសនោះ លោកប្រធាននាយកដ្ឋានបានគូសបញ្ជាក់ថា ទំនប់អាងទឹកនេះមានសារៈសំខាន់ខ្លាំងក្នុងការស្តុកទឹកសម្រាប់ប្រើប្រាស់ប្រចាំថ្ងៃ និងបង្កើនសមត្ថភាពស្រោចស្រពលើផ្ទៃដីដាំដុះដំណាំប្រមាណ ១៥០ ហិកតា ជូនដល់ប្រជាកសិករចំនួន ១១៦ គ្រួសារ។ ជាមួយគ្នានេះ លោកប្រធាននាយកដ្ឋានក៏បានណែនាំដល់ក្រុមការងារបច្ចេកទេស ត្រូវយកចិត្តទុកដាក់ខ្ពស់លើបទដ្ឋានបច្ចេកទេស និងគុណភាពសំណង់ ព្រមទាំងជំរុញការងារឱ្យបានចប់សព្វគ្រប់តាមផែនការដែលបានកំណត់ ដើម្បីបម្រើផលប្រយោជន៍ជូនប្រជាពលរដ្ឋក្នុងមូលដ្ឋានឱ្យបានទាន់ពេលវេលា៕
