សូមជម្រាបថា អង្គប្រជុំបានពិភាក្សាផ្ដោតលើការងារអាទិភាពចំនួន ៦ ចំណុច ដើម្បីពង្រឹងកិច្ចសហការ ជំរុញ និងលើកកម្ពស់ការអនុវត្តមុខងារគាំទ្រក្នុងក្របខណ្ឌអគ្គលេខាធិការដ្ឋានក្រសួង-ស្ថាប័ន រួមមាន៖ ទី១)ជំរុញដល់ការរៀបចំរចនាសម្ព័ន្ធ ក្រសួង-ស្ថាប័ន និងការតែងតាំងមន្ត្រីទៅក្នុងរចនាសម្ព័ន្ធថ្មីឱ្យបានឆាប់រហ័ស ទី២) គាំទ្រ និងចូលរួមអនុវត្តការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីរាជការ ទី៣)ជំរុញដល់ការចូលរួមអនុវត្តគម្រោងលើកទឹកចិត្តគាំទ្រសមិទ្ធកម្មក្នុងរដ្ឋបាលសាធារណៈ ទី៤)ជំរុញដល់ការរៀបចំប្រកាសស្តីពីការរៀបចំ និងការប្រព្រឹត្តទៅរបស់អង្គភាពចំណុះក្រសួង-ស្ថាប័ន ទី៥)ការរៀបចំ ការពិពណ៌នាមុខតំណែងវិជ្ជាជីវៈក្នុងអគ្គលេខាធិការដ្ឋាន និងអង្គភាពជំនាញនានាចំណុះក្រសួង-ស្ថាប័ន និងទី៦)ការកំណត់របៀបរបបការងារ និងការបែងចែកតួនាទីភារកិច្ចដល់ថ្នាក់ដឹកនាំ និងមន្ត្រីរបស់អង្គភាពកម្រិតអគ្គលេខាធិការរង / អគ្គនាយករង និងអនុប្រធាននាយកដ្ឋាន។

 

ក្នុងឱកាសនោះ ឯកឧត្ដមរដ្ឋលេខាធិការប្រចាំការ បានគូសបញ្ជាក់ថា គិតត្រឹមថ្ងៃទី២៥ ខែកុម្ភៈ ឆ្នាំ២០២៦នេះ មានក្រសួង-ស្ថាប័នចំនួន ២២ រួចមកហើយ បានបង្កើតគណៈកម្មការគ្រប់គ្រងប្រព័ន្ធលើកទឹកចិត្តគាំទ្រសមិទ្ធកម្មក្នុងរដ្ឋបាលសាធារណៈ ខណៈដែល ៩ ក្រសួង-ស្ថាប័នទៀត កំពុងបន្តនីតិវិធីរៀបចំ។ ទន្ទឹមនឹងនេះ ក៏មានការស្នើឱ្យកាត់បន្ថយរបាំងរដ្ឋបាលសាធារណៈ តាមរយៈការធ្វើបរិវត្តកម្មឌីជីថល ដើម្បីបង្កើនប្រសិទ្ធភាព៕