ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ក្រុមមន្ត្រីជំនាញក្រសួងធនធានទឹក និងឧតុនិយម បានចុះបេសកកម្មថែទាំស្ថានីយជលសាស្រ្ដស្វ័យប្រវត្តិ ស្ថិតក្នុងភូមិសាស្ដ្រខេត្តពោធិ៍សាត់
ផុសថ្ងៃ: 03-05-2026 | អ្នកអាន: 5 |
Shareនាថ្ងៃអាទិត្យ ២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែឧសភា ឆ្នាំ២០២៦ ក្រុមមន្ត្រីជំនាញបច្ចេកទេសនៃនាយកដ្ឋានជលសាស្ត្រ និងការងារទន្លេ របស់ក្រសួងធនធានទឹក និងឧតុនិយម បានចុះបំពេញបេសកកម្ម ដើម្បីពិនិត្យ ជួសជុល និងថែទាំស្ថានីយជលសាស្ត្រស្វ័យប្រវត្តិ ស្ថិតក្នុងភូមិសាស្ត្រខេត្តពោធិ៍សាត់។
ក្នុងបេសកកម្មនេះ ក្រុមការងារបច្ចេកទេសបានចុះអនុវត្តការងារផ្ទាល់នៅតាមស្ថានីយសំខាន់ៗចំនួន ០៦ ទីតាំង ក្នុងភូមិសាស្ត្រខេត្តពោធិ៍សាត់ រួមមាន៖ ១. ស្ថានីយដំណាក់អំពិល ភូមិដំណាក់អំពិល ឃុំបាក់ចិញ្ចៀន ស្រុកភ្នំក្រវាញ។ ២. ស្ថានីយតម្រងទឹកភ្លៀងបាក់ត្រា ភូមិអូរបាក់ត្រា ឃុំប្រងិល ស្រុកភ្នំក្រវាញ។ ៣. ស្ថានីយតម្រងទឹកភ្លៀងតាដែស ភូមិតាដែស ឃុំសំរោង ស្រុកភ្នំក្រវាញ។ ៤. ស្ថានីយតម្រងទឹកភ្លៀងរវៀង ភូមិរវៀង ឃុំសំរោង ស្រុកភ្នំក្រវាញ។ ៥. ស្ថានីយកណ្តៀង ភូមិចារឹក ឃុំស្យា ស្រុកកណ្តៀង។ ៦. ស្ថានីយក្បាលហុង ភូមិក្បាលហុង ឃុំវាល ស្រុកកណ្តៀង។
សូមបញ្ជាក់ថា ក្នុងបេសកកម្មចុះថែទាំនេះ ក្រុមការងារបច្ចេកទេសបានអនុវត្តការងារសំខាន់ៗ រួមមាន៖ ការផ្លាស់ប្តូរអាគុយថ្មីដើម្បីធានាប្រព័ន្ធថាមពល ការត្រួតពិនិត្យផ្ទៀងផ្ទាត់ទិន្នន័យវាស់វែងដោយឧបករណ៍វាស់កម្ពស់ទឹក និងការលាងសម្អាតឧបករណ៍វាស់កម្រិតទឹកភ្លៀង ដើម្បីបង្ការការកកស្ទះរន្ធបង្ហូរដោយសារធូលី ឬស្លឹកឈើ។ ទន្ទឹមនឹងនោះ ក្រុមការងារក៏បានកាប់មែកឈើ និងជម្រះស្មៅក្នុងបរិវេណស្ថានីយ ដើម្បីធានាឱ្យឧបករណ៍អាចដំណើរការបានយ៉ាងល្អប្រសើរ និងមានសុក្រឹតភាពខ្ពស់៕
