ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
លោកជំទាវ វ៉ាន់ ចាន់ថូ អនុរដ្ឋលេខាធិការ បន្តដឹកនាំកិច្ចប្រជុំពិភាក្សាការងារអនុវត្តគម្រោងគ្រប់គ្រងធនធានទឹកចម្រុះ (IWRM) ជាមួយក្រុមបេសកកម្ម ADB និង AIIB
ផុសថ្ងៃ: 05-05-2026 | អ្នកអាន: 18 |
Shareនាថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦ នៅទីស្តីការក្រសួង លោកជំទាវ វ៉ាន់ ចាន់ថូ អនុរដ្ឋលេខាធិការ និងជានាយកអង្គភាពគ្រប់គ្រងគម្រោង តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានបន្តដឹកនាំកិច្ចប្រជុំពិនិត្យ និងពិភាក្សាលើការងារអនុវត្តគម្រោងគ្រប់គ្រងធនធានទឹកចម្រុះ (IWRM) ជាមួយក្រុមបេសកកម្មរបស់ធនាគារអភិវឌ្ឍន៍អាស៊ី (ADB) និងធនាគារវិនិយោគហេដ្ឋារចនាសម្ព័ន្ធអាស៊ី (AIIB)។
ក្នុងឱកាសនោះ លោកជំទាវអនុរដ្ឋលេខាធិការ បានបន្តពិនិត្យលើវឌ្ឍនភាព និងដោះស្រាយបញ្ហាប្រឈមនានានៃការអនុវត្តគម្រោង ព្រមទាំងផ្តល់អនុសាសន៍ដើម្បីជំរុញកិច្ចដំណើរការងារឱ្យកាន់តែមានប្រសិទ្ធភាព។ បន្ថែមពីនេះ ក្រុមការងារ ADB និង AIIB នឹងចុះបំពេញបេសកកម្មពិនិត្យទីតាំងអនុគម្រោងផ្ទាល់ក្នុងខេត្តពោធិ៍សាត់ បាត់ដំបង និងប៉ៃលិន ចាប់ពីថ្ងៃទី៦ ដល់ថ្ងៃទី៩ ខែឧសភា ឆ្នាំ២០២៦ ដើម្បីសិក្សាស្វែងយល់ពីវឌ្ឍនភាពជាក់ស្តែង និងកំណត់កាលវិភាគអនុវត្តបន្តឱ្យបានច្បាស់លាស់។
ជាទីបញ្ចប់ លោកជំទាវអនុរដ្ឋលេខាធិការ បានថ្លែងអំណរគុណយ៉ាងជ្រាលជ្រៅចំពោះក្រសួងសេដ្ឋកិច្ច និងហិរញ្ញវត្ថុ ព្រមទាំងធនាគារ ADB និង AIIB ដែលបានគាំទ្របច្ចេកទេស និងហិរញ្ញប្បទានដល់គម្រោង (IWRM) សំដៅពង្រឹងសន្តិសុខទឹក និងហេដ្ឋារចនាសម្ព័ន្ធធារាសាស្ត្រ ក្នុងគោលដៅឆ្លើយតបនឹងការប្រែប្រួលអាកាសធាតុ និងជំរុញការធ្វើទំនើបកម្មកសិកម្មនៅកម្ពុជា៕
