ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម អ៊ុក វុទ្ធី អនុរដ្ឋលេខាធិការ អញ្ជើញចុះពិនិត្យទីតាំងក្រុមហ៊ុនឯកជនស្នើសុំសាងសង់ច្រាំងទន្លេ និងសាងសង់ស្ថានីយបូមទឹកពីទន្លេបាសាក់ ក្នុងភូមិសាស្ត្រខណ្ឌច្បារអំពៅ
ផុសថ្ងៃ: 06-05-2026 | អ្នកអាន: 7 |
Shareនាថ្ងៃពុធ ទី៦ ខែឧសភា ឆ្នាំ២០២៦ ឯកឧត្តម អ៊ុក វុទ្ធី អនុរដ្ឋលេខាធិការ ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម រួមជាមួយឯកឧត្តម ឈុន ពុទ្ធារិទ្ធ អគ្គនាយកនៃអគ្គនាយកដ្ឋានកិច្ចការបច្ចេកទេស បានដឹកនាំក្រុមការងារបច្ចេកទេសក្រសួង ចុះពិនិត្យទីតាំងជាក់ស្តែងដែលក្រុមហ៊ុនបានស្នើសុំសាងសង់ច្រាំងទន្លេ និងស្ថានីយបូមទឹកពីទន្លេបាសាក់ សម្រាប់ប្រើប្រាស់ក្នុងតំបន់គម្រោងអភិវឌ្ឍន៍ចម្រុះ និងជាតំបន់ទេសចរណ៍ ស្ថិតក្នុងភូមិសាស្ដ្រខណ្ឌច្បារអំពៅ រាជធានីភ្នំពេញ។
ជាមួយគ្នានេះដែរ ឯកឧត្តមអនុរដ្ឋលេខាធិការ បានគូសបញ្ជាក់បន្ថែមថា រាល់ការស្នើសុំរបស់ក្រុមហ៊ុន គឺអនុលោមតាមមាត្រា១២ នៃច្បាប់ស្តីពីការគ្រប់គ្រងធនធានទឹកនៅក្នុងព្រះរាជាណាចក្រកម្ពុជា។ ដោយឡែក ចំពោះការប្រើប្រាស់ដីចំណីទន្លេ ក្រុមហ៊ុនបន្តពិគ្រោះយោបល់ និងសហការជិតស្និទ្ធជាមួយរដ្ឋបាលខណ្ឌច្បារអំពៅ ក៏ដូចជារដ្ឋបាលរាជធានីភ្នំពេញ ដើម្បីធានាឱ្យបាននូវការអនុវត្តតាមនីតិវិធីច្បាប់ និងមិនមានផលប៉ះពាល់ដល់ប្រយោជន៍សាធារណៈ៕
