ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម សេរី បណ្ឌិត អនុរដ្ឋលេខាធិការ អញ្ជើញដឹកនាំប្រតិភូធនាគារ AIIB ចុះពិនិត្យទីតាំងអាទិភាពសម្រាប់ការសិក្សាគម្រោងអភិវឌ្ឍន៍ប្រព័ន្ធធារាសាស្ត្រ ស្ថិតក្នុងភូមិសាស្ត្រខេត្តពោធិ៍សាត់
ផុសថ្ងៃ: 05-05-2026 | អ្នកអាន: 21 |
Shareនាថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦ ឯកឧត្តម សេរី បណ្ឌិត អនុរដ្ឋលេខាធិការ និងជានាយកគម្រោង (CCRSIWDFMP) ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញដឹកនាំប្រតិភូបេសកកម្មនៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) និងតំណាងអគ្គនាយកដ្ឋានដោះស្រាយផលប៉ះពាល់ដោយសារគម្រោងអភិវឌ្ឍន៍ (GDR) នៃក្រសួងសេដ្ឋកិច្ច និងហិរញ្ញវត្ថុ ចុះពិនិត្យទីតាំងអាទិភាពសម្រាប់ការសិក្សាគម្រោងអភិវឌ្ឍន៍ប្រព័ន្ធធារាសាស្ត្រ ស្ថិតក្នុងភូមិសាស្ត្រខេត្តពោធិ៍សាត់។
ក្នុងដំណើរបេសកកម្មនេះ ឯកឧត្តមអនុរដ្ឋលេខាធិការ និងប្រតិភូ បានអញ្ជើញជួបពិភាក្សាការងារជាមួយក្រុមការងារនៃមន្ទីរធនធានទឹក និងឧតុនិយមខេត្ត និងតំណាងរដ្ឋបាលខេត្តពោធិ៍សាត់ ព្រមទាំងបានចុះសំណេះសំណាលជាមួយអាជ្ញាធរមូលដ្ឋាន ក៏ដូចជាតំណាងសហគមន៍កសិករប្រើប្រាស់ទឹកដោយផ្ទាល់ នៅទីតាំងប្រព័ន្ធធារាសាស្ត្រចារឹក ស្ថិតក្នុងឃុំស្យា ស្រុកកណ្តៀង ខេត្តពោធិ៍សាត់ ដើម្បីពិភាក្សា និងស្វែងយល់ពីស្ថានភាពជាក់ស្តែងនៃប្រព័ន្ធធារាសាស្ត្រក្នុងមូលដ្ឋាន។
ទន្ទឹមនឹងនេះ ឯកឧត្តមអនុរដ្ឋលេខាធិការ និងប្រតិភូបានចុះពិនិត្យជាក់ស្តែងនូវស្ថានភាពហេដ្ឋារចនាសម្ព័ន្ធប្រព័ន្ធធារាសាស្ត្រចារឹក ចាប់ពីផ្នែកក្បាលទឹក រហូតដល់ចុងខ្សែប្រឡាយ រួមមាន៖ សំណង់ក្បាលហុងទឹក ប្រឡាយមេ ប្រឡាយរង ប្រឡាយស្រោចស្រព និងសំណង់សិល្បការ្យនានា ដើម្បីប្រមូលទិន្នន័យចាំបាច់សម្រាប់ការងារសិក្សា និងអភិវឌ្ឍន៍គម្រោងឱ្យកាន់តែមានសក្តានុពល និងប្រសិទ្ធភាពខ្ពស់៕
