ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ប៉ុញ សច្ចៈ រដ្ឋលេខាធិការ អញ្ជើញដឹកនាំកិច្ចប្រជុំពិភាក្សាដំបូងស្តីពីការរៀបចំផែនការមេធនធានទឹកសម្រាប់កម្ពុជា តាមប្រព័ន្ធអនឡាញ
ផុសថ្ងៃ: 07-05-2026 | អ្នកអាន: 4 |
Shareនាព្រឹកថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែឧសភា ឆ្នាំ២០២៦ នៅទីស្ដីការក្រសួង ឯកឧត្តម ប៉ុញ សច្ចៈ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញដឹកនាំកិច្ចប្រជុំពិភាក្សាដំបូងស្តីពីការបង្កើតផែនការមេធនធានទឹកសម្រាប់កម្ពុជា តាមប្រព័ន្ធអនឡាញ (Video Conference) ដោយមានការចូលរួមពី KEITI, K-Water, ក្រុមទីប្រឹក្សាបច្ចេកទេសនៃសាធារណរដ្ឋកូរ៉េ ព្រមទាំងថ្នាក់ដឹកនាំ និងមន្ត្រីបច្ចេកទេសនៃមន្ទីរធនធានទឹក និងឧតុនិយម តាមបណ្តាខេត្តពាក់ព័ន្ធ។
ទន្ទឹមនឹងនេះ កិច្ចប្រជុំបានកំណត់យករបៀបវារៈសំខាន់ៗចំនួនបីមកពិភាក្សា រួមមាន៖ ការអនុវត្តផែនការមេសម្រាប់ការគ្រប់គ្រងធនធានទឹកកម្ពុជា។ បន្ថែមលើនេះ អង្គប្រជុំក៏បានសង្កត់ធ្ងន់លើការកសាងសមត្ថភាពមន្ត្រីបច្ចេកទេស និងការកំណត់ជ្រើសរើសគម្រោងអាទិភាពនានា ដែលអាចឈានទៅអនុវត្តជាក់ស្តែងនៅតាមបណ្តាខេត្តគោលដៅ ដើម្បីបម្រើដល់ផលប្រយោជន៍វិស័យធនធានទឹក។
ក្នុងឱកាសនោះ ឯកឧត្តមរដ្ឋលេខាធិការ បានផ្តល់អនុសាសន៍ណែនាំដល់ក្រុមការងារបច្ចេកទេសឱ្យយកចិត្តទុកដាក់ខ្ពស់លើការពិនិត្យ និងសិក្សាឱ្យបានគ្រប់ជ្រុងជ្រោយ ដោយសហការជាមួយគម្រោងដែលកំពុងអនុវត្តផ្សេងៗទៀត ដូចជាផែនការមេធនធានទឹកដែលគាំទ្រដោយរដ្ឋាភិបាលអូស្ត្រាលី និងក្រុមកិច្ចការងារពាក់ព័ន្ធដទៃទៀត។៕
