ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ចាន់ ស៊ីណាត រដ្ឋលេខាធិការ អញ្ជើញចុះពិនិត្យការរៀបចំចិញ្ចើមផ្លូវបេតុង និងដោះស្រាយបញ្ហាសណ្តាប់ធ្នាប់សាធារណៈ លើខ្នងទំនប់អាងកំពីងពួយ ស្ថិតក្នុងខេត្តបាត់ដំបង
ផុសថ្ងៃ: 07-05-2026 | អ្នកអាន: 4 |
Shareនាថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៧ ខែឧសភា ឆ្នាំ២០២៦ ឯកឧត្តម ចាន់ ស៊ីណាត រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំមន្ត្រីជំនាញ និងទីប្រឹក្សាបច្ចេកទេស ចុះពិនិត្យការងាររៀបចំចាក់ចិញ្ចើមផ្លូវបេតុងលើខ្នងទំនប់ និងសម្របសម្រួលដោះស្រាយបញ្ហាសណ្តាប់ធ្នាប់សាធារណៈនៅតាមខ្នងទំនប់ ព្រមទាំងតំបន់ជុំវិញអាងស្តុកទឹកកំពីងពួយ ក្នុងភូមិសាស្ត្រខេត្តបាត់ដំបង។
ក្នុងដំណើរចុះពិនិត្យនេះ ឯកឧត្តមរដ្ឋលេខាធិការ បានសម្តែងនូវការកោតសរសើរ និងវាយតម្លៃខ្ពស់ចំពោះអាជ្ញាធរមានសមត្ថកិច្ច ជាពិសេសអាជ្ញាធរមូលដ្ឋាន ដែលបានផ្តល់កិច្ចសហការយ៉ាងជិតស្និទ្ធ ក្នុងការរៀបចំចិញ្ចើមផ្លូវបេតុង និងសណ្តាប់ធ្នាប់សាធារណៈលើខ្នងទំនប់ឱ្យមានសោភ័ណភាព ដើម្បីធានាថាមិនមានការប៉ះពាល់ដល់លក្ខណៈបច្ចេកទេសនៃសំណង់ធារាសាស្ត្រ។
ក្នុងឱកាសនោះ ឯកឧត្តមរដ្ឋលេខាធិការ បានគូសបញ្ជាក់ថា អាងកំពីងពួយ គឺជាសំណង់យុទ្ធសាស្ត្រដែលមានសក្តានុពលខ្ពស់ មិនត្រឹមតែដើរតួនាទីយ៉ាងសំខាន់ក្នុងការបញ្ចៀសទឹកជំនន់ចេញពីទីក្រុង និងការស្ទាក់ចាប់ទឹកទុកសម្រាប់ប្រើប្រាស់ក្នុងរដូវប្រាំង ស្របតាមបរិបទនៃបម្រែបម្រួលអាកាសធាតុប៉ុណ្ណោះទេ ប៉ុន្តែថែមទាំងបម្រើឱ្យការប្រើប្រាស់ក្នុងពហុវិស័យ និងជាគោលដៅទេសចរណ៍ដ៏ទាក់ទាញ ដែលនឹងរួមចំណែកយ៉ាងសកម្មដល់ការលើកកម្ពស់សេដ្ឋកិច្ចមូលដ្ឋានផងដែរ៕
