ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម សុត រស្មី រដ្ឋលេខាធិការ ដឹកនាំកិច្ចប្រជុំពិនិត្យសំណើដេញថ្លៃគម្រោងស្តារ និងជួសជុលប្រព័ន្ធធារាសាស្ត្រចំនួន ៤ គម្រោង ស្ថិតក្នុងភូមិសាស្ត្រខេត្តកំពង់ធំ កំពង់ចាម បាត់ដំបង និងខេត្តព្រៃវែង
ផុសថ្ងៃ: 25-05-2026 | អ្នកអាន: 9 |
Shareនាព្រឹកថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ នៅសាលប្រជុំរំដួលនៃទីស្តីការ ឯកឧត្តម សុត រស្មី រដ្ឋលេខាធិការ និងជាប្រធានគណៈកម្មាធិការលទ្ធកម្ម តំណាងដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញដឹកនាំកិច្ចប្រជុំពិនិត្យសំណើដាក់ដេញថ្លៃសម្រាប់គម្រោងស្តារ និងជួសជុលប្រព័ន្ធធារាសាស្ត្រចំនួន ៤ គម្រោង ដែលស្ថិតក្នុងភូមិសាស្ត្រខេត្តកំពង់ធំ កំពង់ចាម បាត់ដំបង និងខេត្តព្រៃវែង។
សូមជម្រាបថា កិច្ចប្រជុំនេះមានការចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ ព្រមទាំងតំណាងក្រុមហ៊ុនពាក់ព័ន្ធនានា ដើម្បីពិនិត្យយ៉ាងលម្អិតលើសំណើបច្ចេកទេស និងហិរញ្ញវត្ថុសម្រាប់គម្រោងទាំង ៤ រួមមាន៖ ១. ការងារជួសជុលប្រព័ន្ធធារាសាស្ត្រឫស្សីលរ នៅឃុំស្វាយភ្លើង និងឃុំសូយោង ស្រុកតាំងគោក ខេត្តកំពង់ធំ ២. ការងារសាងសង់សំណង់ស្ទាក់ទឹកព្រែកអន្លង់គគីរ នៅឃុំស្តៅ ស្រុកកងមាស ខេត្តកំពង់ចាម ៣. ការងារជួសជុលសំណង់ស្ទាក់ទឹកម្នាស់កាល ស្រុកកំរៀង ខេត្តបាត់ដំបង និង ៤. ការងារស្តារព្រែកតាតាំ នៅឃុំព្រែកជ្រៃ ស្រុកពោធិ៍រៀង និងក្រុងព្រៃវែង ខេត្តព្រៃវែង។
ក្នុងកិច្ចប្រជុំនេះ ឯកឧត្តមរដ្ឋលេខាធិការ បានគូសបញ្ជាក់ពីសារៈសំខាន់នៃការធានាបាននូវភាពត្រឹមត្រូវ តម្លាភាព និងប្រសិទ្ធភាពខ្ពស់ ក្នុងការពិនិត្យ និងវាយតម្លៃលើបទដ្ឋានបច្ចេកទេស ក៏ដូចជាតម្លៃដេញថ្លៃសមស្របតាមទីផ្សារ និងបទដ្ឋានគតិយុត្តជាធរមាន។ ជាមួយគ្នានេះ ឯកឧត្តមបានជំរុញឱ្យគ្រប់ភាគីពាក់ព័ន្ធត្រូវគោរពតាមគោលការណ៍លទ្ធកម្ម ដើម្បីឈានទៅរកការសម្រេចផ្តល់កិច្ចសន្យា (Award Contract) ជូនដល់ក្រុមហ៊ុនដែលមានសមត្ថភាពពិតប្រាកដ និងធានាបាននូវគុណភាពសំណង់យូរអង្វែង ឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋនៅក្នុងមូលដ្ឋាន តាមរយៈការគ្រប់គ្រងធនធានទឹកប្រកបដោយចីរភាព៕
