ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
លោកជំទាវ វ៉ាន់ ចាន់ថូ អនុរដ្ឋលេខាធិការ ដឹកនាំកិច្ចប្រជុំតម្រង់ទិស និងពង្រឹងប្រសិទ្ធភាពការងារនៃគម្រោង IWRMP ក្រោមហិរញ្ញប្បទានពីធនាគារ ADB
ផុសថ្ងៃ: 09-03-2026 | អ្នកអាន: 9 |
Shareនារសៀលថ្ងៃចន្ទ ទី៩ ខែមីនា ឆ្នាំ២០២៦ នៅទីស្តីការក្រសួង លោកជំទាវ វ៉ាន់ ចាន់ថូ អនុរដ្ឋលេខាធិការ និងជានាយកគម្រោងគ្រប់គ្រងធនធានទឹកចម្រុះ (IWRMP) ក្នុងនាមតំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំកិច្ចប្រជុំតម្រង់ទិសការងារជាមួយអង្គភាពគ្រប់គ្រងគម្រោងថ្មី។
កិច្ចប្រជុំនេះមានគោលបំណងណែនាំអំពីនីតិវិធីប្រតិបត្តិរួម និងបែងចែកភារកិច្ចតាមផ្នែក ដើម្បីពង្រឹងកិច្ចសហប្រតិបត្តិការឱ្យមានសង្គតិភាពជាមួយផែនការយុទ្ធសាស្ត្ររបស់ក្រសួង។ ក្នុងឱកាសនោះ លោកជំទាវអនុរដ្ឋលេខាធិការបានសង្កត់ធ្ងន់លើសារៈសំខាន់នៃ “សាមគ្គីភាព និងស្មារតីម្ចាស់ការ” ក្នុងការអនុវត្តការងារ ដើម្បីលើកកម្ពស់ប្រសិទ្ធភាពគ្រប់គ្រង និងធានាសម្រេចបានសមិទ្ធផលតាមកាលវិភាគដែលបានកំណត់។
ជាកិច្ចបញ្ចប់ លោកជំទាវអនុរដ្ឋលេខាធិការបានណែនាំឱ្យក្រុមការងារបន្តពង្រឹងកិច្ចសហការឱ្យកាន់តែជិតស្និទ្ធ ដើម្បីជំរុញការអភិវឌ្ឍវិស័យធនធានទឹកនៅកម្ពុជាឱ្យមានចីរភាព និងសម្រេចបានជោគជ័យតាមគោលដៅកំណត់៕
