ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម សុត រស្មី រដ្ឋលេខាធិការ អញ្ជើញ ចុះពិនិត្យ វាយតម្លៃ ប្រគល់-ទទួល និងបញ្ចប់សុពលភាព សម្រាប់ការងារជំពូក២១ នៅក្នុងភូមិសាស្ត្រខេត្តព្រៃវែង និងខេត្តកំពង់ចាម
ផុសថ្ងៃ: 27-04-2026 | អ្នកអាន: 15 |
Shareនៅថ្ងៃចន្ទ ១១កេីត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែមេសា ឆ្នាំ២០២៦ ឯកឧត្តម សុត រស្មី រដ្ឋលេខាធិការ និងជាប្រធានគណៈកម្មាធិការលទ្ធកម្ម(គល) ក្នុងនាមតំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំក្រុមការងារអន្តរក្រសួង ដែលរួមមាន ក្រសួងធនធានទឹក និងឧតុនិយម ក្រសួងសេដ្ឋកិច្ច និងហិរញ្ញវត្ថុ ដោយមានកិច្ចសហការពី ក្រុមហ៊ុន ថៃ លី អេនជីនារីង បា នចុះពិនិត្យ វាយតម្លៃ បញ្ចប់សុពលភាព សម្រាប់ការងារជំពូក២១ ក្នុងភូមិសាស្ត្រខេត្តព្រៃវែង និងខេត្តកំពង់ចាម។
ក្នុងដំណេីរបេសកកម្ម ឯកឧត្តមរដ្ឋលេខាធិការ និងមន្ត្រីជំនាញអន្តរក្រសួង បានចុះពិនិត្យ វាយតម្លៃ ប្រគល់-ទទួល និងបញ្ចប់សុពលភាព សម្រាប់ការងារជំពូក២១ រួមមាន ៖ ១. ការងារស្តារប្រឡាយរងកន្លែង និងសាងសង់សំណង់សិល្បការ្យ នៅក្នុងឃុំទឹកថ្លា ស្រុកស្វាយអន្ទរ ខេត្តព្រៃវែង សម្រេចបាន១០០%
២. ការងារជីកអូរដំណាក់សង្កែ និងសាងសង់សំណង់សិល្បការ្យ នៅក្នុងឃុំព្រែកក្របៅ ស្រុកកងមាស ខេត្តកំពង់ចាម ក្រោយចប់ធានាគុណភាពរយៈពេល ១២ខែ។
ជាលទ្ធផល ឯកឧត្តមរដ្ឋលេខាធិការ និងក្រុមការងារអន្តរក្រសួង បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមហ៊ុនអនុវត្តគម្រោង ដែលបានបំពេញភារកិច្ចស្តារប្រឡាយរងកន្លែង និងសាងសង់សំណង់សិល្បការ្យនូវប្រព័ន្ធធារាសាស្ត្រ និងជីកអូរ ដោយធានាបាននូវគុណភាពរឹងមាំ ស្របតាមបទដ្ឋានបច្ចេកទេស និងមានសោភ័ណភាព ដែលនឹងផ្តល់សារប្រយោជន៍យ៉ាងសំខាន់ដល់ការបង្កបង្កើនផល ក៏ដូចជាការគ្រប់គ្រងទឹកក្នុងតំបន់ឱ្យកាន់តែមានប្រសិទ្ធភាពខ្ពស់៕
