ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ចាន់ ស៊ីណាត រដ្ឋលេខាធិការ អញ្ជើញចុះបំពេញបេសកកម្មពិនិត្យវឌ្ឍនភាពការងារសាងសង់ទំនប់ស្ទាក់ទឹកស្ទឹងក្រញូង ស្ថិតក្នុងភូមិសាស្ដ្រខេត្តបាត់ដំបង
ផុសថ្ងៃ: 08-05-2026 | អ្នកអាន: 14 |
Shareនាថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ ឯកឧត្តម ចាន់ ស៊ីណាត រដ្ឋលេខាធិការ និងជានាយកគម្រោង ក្នុងនាមតំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញដឹកនាំក្រុមការងារបច្ចេកទេស និងទីប្រឹក្សា ចុះបំពេញបេសកកម្មត្រួតពិនិត្យវឌ្ឍនភាពការដ្ឋានសាងសង់ទំនប់ស្ទាក់ទឹកស្ទឹងក្រញូង ស្ថិតក្នុងភូមិសាស្ត្រស្រុកសំឡូត ខេត្តបាត់ដំបង។
ក្នុងឱកាសនោះ ឯកឧត្តមរដ្ឋលេខាធិការ បានគូសបញ្ជាក់ពីសារៈសំខាន់នៃសំណង់វិស្វកម្មនេះ ដែលមានសមត្ថភាពស្តុកទឹកបានរាប់លានម៉ែត្រគូប ដើម្បីបម្រើផលប្រយោជន៍ពហុវិស័យជូនប្រជាពលរដ្ឋក្នុងតំបន់ ជាពិសេសការផ្គត់ផ្គង់ទឹកសម្រាប់កសិកម្ម ការប្រើប្រាស់ប្រចាំថ្ងៃ និងការឆ្លើយតបទៅនឹងការប្រែប្រួលអាកាសធាតុ។
ទន្ទឹមនឹងនេះ ឯកឧត្តមរដ្ឋលេខាធិការ បានផ្តល់ការណែនាំដល់ក្រុមហ៊ុនសាងសង់ ត្រូវយកចិត្តទុកដាក់អនុវត្តឱ្យបានត្រឹមត្រូវតាមបទដ្ឋានបច្ចេកទេស និងនិយាមប្រតិបត្តិវិស្វកម្ម ដោយផ្ដោតលើទិដ្ឋភាពសុវត្ថិភាព និងបរិស្ថាន ព្រមទាំងជំរុញសកម្មភាពការងារឱ្យបានចប់សព្វគ្រប់តាមកាលវិភាគដែលបានកំណត់ ដើម្បីធានាគុណភាពសំណង់ឱ្យបានរឹងមាំ និងប្រើប្រាស់ជាប្រយោជន៍បានយូរអង្វែង៕
