ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តម ចាន់ ស៊ីណាត ដឹកនាំកិច្ចប្រជុំត្រួតពិនិត្យការងារបច្ចេកទេស និងរៀបចំផែនការអនុវត្តគម្រោងអភិវឌ្ឍន៍ប្រព័ន្ធធារាសាស្ត្រទំនប់ស្ទាក់ទឹកកំពង់គោ ខេត្តកំពង់ធំ
ផុសថ្ងៃ: 11-05-2026 | អ្នកអាន: 9 |
Shareនាថ្ងៃចន្ទ ១០រោច ខែពិសាខ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១១ ខែឧសភា ឆ្នាំ២០២៦ នៅទីស្តីការក្រសួង ឯកឧត្តម ចាន់ ស៊ីណាត រដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារ និងរៀបចំផែនការអនុវត្តគម្រោងអភិវឌ្ឍន៍ប្រព័ន្ធធារាសាស្ត្រ ជំហានទី១ និងជំហានទី២ នៃទំនប់ស្ទាក់ទឹកកំពង់គោ អាងស្ទឹងសែន ស្ទឹងស្លាប់ និងបណ្តាញប្រព័ន្ធពាក់ព័ន្ធ ស្ថិតក្នុងភូមិសាស្ត្រឃុំកំពង់គោ ស្រុកកំពង់ស្វាយ ខេត្តកំពង់ធំ។
ក្នុងឱកាសនោះ ឯកឧត្តមរដ្ឋលេខាធិការ បានផ្តល់នូវអនុសាសន៍ណែនាំគន្លឹះៗដល់ក្រុមការងារបច្ចេកទេស និងវិស្វករទាំងអស់ ដោយជំរុញឱ្យបង្កើនការយកចិត្តទុកដាក់ខ្ពស់បំផុតលើការត្រួតពិនិត្យគុណភាព និងបទដ្ឋានបច្ចេកទេសនៅគ្រប់ដំណាក់កាលសាងសង់ ដើម្បីធានាឱ្យបាននូវសំណង់ដែលមានភាពរឹងមាំយូរអង្វែង ស្របតាមនិយាមបច្ចេកទេសជាក់លាក់។ ទន្ទឹមនឹងនេះ ឯកឧត្តមបានសង្កត់ធ្ងន់លើការគ្រប់គ្រងផែនការសកម្មភាព ដោយត្រូវអនុវត្តការងារឱ្យស្របតាមកាលវិភាគដែលបានកំណត់ សំដៅធានាឱ្យសម្រេចបានលទ្ធផលតាមផែនការមេ ប្រកបដោយប្រសិទ្ធភាព និងទាន់ពេលវេលា។
