ភាសាខ្មែរ
សារពីឯកឧត្តមរដ្ឋមន្ត្រី
ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
កម្ពុជាត្រូវការបង្កេីតអាងទឹក ស្តារអាងទឹក និងពង្រីកសក្តានុពលប្រភពទឹកដែលមានស្រាប់ដេីម្បីបំពេញនូវការស្រោចស្រព
វិស័យកសិកម្មនិងបំពេញតម្រូវការសម្រាប់ការប្រើប្រាស់ទឹកស្អាត កាត់បន្ថយបាននូវគ្រោះទឹកជំនន់ និងគ្រោះរាំងស្ងួតជាអតិបរមា
ឯកឧត្តមរដ្ឋមន្ត្រី ថោ ជេដ្ឋា អញ្ជើញទទួលជួបពិភាក្សាការងារជាមួយគណៈប្រតិភូនៃទីភ្នាក់ងារឧតុនិយមអន្តរជាតិបារាំង(MFI) ដឹកនាំដោយលោក Jean-Sebastien CASES
ផុសថ្ងៃ: 20-05-2026 | អ្នកអាន: 21 |
Shareនាព្រឹកថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែឧសភា ឆ្នាំ២០២៦នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអនុញ្ញាតឱ្យលោក Jean-Sebastien CASES នាយកទីភ្នាក់ងារឧតុនិយមអន្តរជាតិបារាំង(MFI) ដឹកនាំគណៈប្រតិភូ ដើម្បីចូលជួបពិភាក្សាការងារស្ដីពីការធ្វើទំនើបកម្មនៃប្រព័ន្ធព័ត៌មានឧតុនិយមរបស់កម្ពុជា នៅសាលប្រជុំនៃទីស្ដីការក្រសួងធនធានទឹក និងឧតុនិយម។
ក្នុងឱកាសនេះ តំណាងទីភ្នាក់ងារឧតុនិយមអន្តរជាតិបារាំង(MFI) បានធ្វើបទបង្ហាញជម្រាបជូនអំពី ១)ការរកឃើញពាក់ព័ន្ធនឹងការងារបច្ចេកទេសចុងក្រោយបំផុត និងការវាយតម្លៃប្រព័ន្ធ ២)ការណែនាំចំពោះការធ្វើទំនើបកម្ម និងដំណោះស្រាយដែលធ្វើឱ្យប្រសើរឡើងសម្រាប់ប្រព័ន្ធព្យាករណ៍ និងប្រព័ន្ធព្រមានទុកជាមុនដែលមានស្រាប់ ៣)ប្រព័ន្ធប្រមូលទិន្នន័យ និងទូរគមនាគមន៍កម្រិតខ្ពស់ ស្របតាមស្តង់ដារចុងក្រោយបំផុតរបស់អង្គការឧតុនិយមពិភពលោក(WMO) ៤)កម្មវិធីកសាងសមត្ថភាពសម្រាប់មន្ត្រីនៃក្រសួងធនធានទឹក និងឧតុនិយម និង ៥)ពេលវេលាអនុវត្ត និងគម្រោងថវិកា។
សូមជម្រាបថា ទីភ្នាក់ងារឧតុនិយមអន្តរជាតិរបស់ប្រទេសបារាំង(MFI) ដែលមានទីស្នាក់កណ្តាលនៅទីក្រុងទូលូ (Toulouse) ប្រទេសបារាំង គឺជាដៃគូបច្ចេកទេសយូរអង្វែងដែលគាំទ្រដល់ក្រសួងធនធានទឹក និងឧតុនិយម ជាពិសេសនាយកដ្ឋានឧតុនិយម ពាក់ព័ន្ធនឹងប្រព័ន្ធព័ត៌មានឧតុនិយមរបស់កម្ពុជា ទាំងផ្នែករឹង និងផ្នែកទន់៕
